News

Responde ba opiniaun Gregorio Ferreira da Silva kona ba: Konflitu Interese: …

Responde ba opiniaun Gregorio Ferreira da Silva kona ba: Konflitu Interese: “Halo Dekretu Lei foun ka Implementa ida nebe iha ona”

Husi
ONG Lalenok Ba Ema Hotu (LABEH)
The Mirror For The People
The Anti Corruption NGO

Dili, June 19, 2008 - LABEH kontente teb-tebes tamba Sr.Gregorio Ferreira da Silva iha interese ba Press Release nebe mak LABEH hasai iha media Jornal Nacional Diario, loron Segunda Feira, 9 de Junho 2008, pagina 5. Tamba ne’e, LABEH iha direitu hodi responde ba opiniaun husi Sr. Gregorio Ferreira nian iha media Jornal Nasional Diario, loron Sesta, dia 13 de Junho 2008, pagina 4 nebe hateten katak “Konflitu Interese” Halo Dekretu Lei foun ka implementa Lei nebe iha tiha ona” .
Ne’e hatudu katak ema balun iha interese duni atu Promove  Boa Governasaun iha Instituisaun Governu nia laran.

LABEH Fo PARABENS Ba Parlamentu Nasional Nebe Foti Kestaun Kona Ba Prosesu Sosa Kareta OB-VAN RTTL

Dili, 11 June 2008 - Hare ba Assuntu kareta OB-Van nebe ita hare iha noticias nebe hetan assaun husi membrus Parlamentu Nasional, Direitur Ezekutivu LABEH, Dr. Christopher Henry Samson iha nia Edifisiu (11/06) fo PARABENS teb-tebes ba ita nia membrus PN nebe iha sentimentu atu buka kaju ne’e nia hun. Dr. Christopher Henry Samson mos hatutan tan katak Ohin PN hatudu mai LABEH katak sira rona hela e sira la toba ho asuntu kaju iregularidade, Mal administrasaun no pratika Korupsaun nebe mosu iha rai laran.

LABEH Husu ba Governu atu halo Dekretu Lei kona ba Konflitu de Interese

Dili, 06 June 2008 - Lalenok Ba Ema Hotu (LABEH) nu’udar NGO Anti Korupsaun ne’ebe Hahi no Tane A’as Valor Transparencia, Akuntabilidade no Boa Governasaun liu husi Kombate Korupsaun. Hanesan Sociedade Civil (ONG) nebe Independenti no Imparsial.
Korupsaun hahu buras fali ona iha Governasaun ida ne’e. Ita bele dehan katak bele maka’as liu fali tempo passado. Iha konflitu de Interese barak teb-tebes entre Secretariu Estadu balun, Ministru balun ho sira nia familia no sira nia kompania tamba ne’e LABEH husu ba Governu liu-liu CNRT nudar  komponente prinsipiu iha Governasaun ida ne’e. Ita hotu hatene katak tinan ida ne’e tinan REFORMA tamba ne’e presija duni dekretu lei ida kona ba konflitu de interese katak laiha membru Governu, Secretario Estadu ida mak nia familia bele manan tender iha nia portfolio rasik. Por ezemplu, se karik Ministru ida ka Secretariu Estadu ida nia ferik oan ka nia la’in ou nia oan mak manan tender iha nia Ministerio rasik ne’e hatudu pratika Korupsaun, Kolusaun no Nepotismu.

LABEH REALIZA LABEH READING DAY PROGRAMME BA ESTUDANTE 84

Dili 26, May 2008 - Lalenok Ba Ema Hotu (LABEH) nu’udar NGO Anti Korupsaun ne’ebe Hahi no Tane A’as Valor Transparencia, Akuntabilidade no Boa Governasaun liu husi Kombate Korupsaun. Hanesan Sociedade Civil (ONG) nebe Independenti no Imparsial, LABEH hahi nia Misaun no visaun Liu husi Departementu tolu mak hanesan Departementu Transparencia no Akuntabilidade, Departementu Advokasia no Monitoring no Departementu Edukasaun e Dezenvolvementu Kapasidade.
Departementu Edukasaun no Hasa’e Kapasidade mak hanesan Departementu ida nebe fo formasaun ba Timor oan nebe hakarak promove sira nia skill iha Lingua Ingles liu husi kursu lingua Ingles.

LABEH ho Dignidade Husu ba Vice Primeiro Ministru Aktual atu Submete ba Investigasaun

Hanesan NGO Anti Korupsaun Lalenok ba Ema Hotu - LABEH husu ho dignidade ba  Sr. Jose Luis Guterres Vice Primeiru Ministru Aktual hodi submete ba investigasaun ba alegasaun korupsaun nebe Deputadus Parlamentar husi bankadas Fretilin hato’o iha Plenaria Parlamentu Nasional nebe alega katak Sr. Jose Luis Guterres halo abuzu de poder tamba halo transferensia osan ho valor boot ba nia kaben iha Nova Iorke
LABEH propoin ba Prokuradoria Jerald a Republika atu loke investigasaun ida profundu ba alegasaun ne’e atu bele ignora tiha duvidas publiku konaba alegasaun ne’e no mos husu ho Dignidade ba Vice Primeiru Ministru atu deklara ba Prokurador Jeral ho nia konsiensia iha kazu ida ne’e, tamba kazu hanesan ne’e bele estraga Boa Governasaun, Transparensia no Akuntabilidade nebe Governu AMP hakarak implementa. Nune’e mos atu responde ba akuzasaun deputados bangkada Fretilin ne’e los ka lae?

Subcategories

Subcategories