Press Releases

Assesor PM assuntu Sociedade Sivil, Joaquim Freitas Halo Moe deit PM Xanana Gusmao

Assesor PM assuntu Sociedade Sivil, Joaquim Freitas  Halo Moe deit PM Xanana Gusmao

Relasiona ba deklarasaun husi Joaquim Freitas Assesor Vice PM ba assuntu Sosiedade sivil nebe hateten katak bazeia ba monitorizasaun nebe sira halo nebe hatudu katak ONG balun la susesu implementa OJE 2009 iha terenu (STL/18-11-2009, Paj.1-15) no sira la hatene ONG balun nia paradeiru no fatin projetu iha nebe no aat liu tan mak dehan Husi ONG 250 nebe fo ona projetu foin 50 deit mak iha relatorio 200 laiha. Nudar Sosiedade sivil, LABEH hanoin katak deklarasaun nee hatudu ona inkapasidade no frakeja boot nebe assesor nee halo no halo moe deit PM.

Monitorizasaun Loron 100 Mario Carasscalao nudar Vice PM ba Assuntu Administrativa

Komunikadu Ba Imprensa (23/07/09)

“LABEH Fo Sai Rezultadu Monitorizasun Loron 100 Servisu Eng. Mario Viegas Carrascalão Nudar Vise Primeiru Ministru Ba Assuntu Administrativa.”

Lalenok Ba Ema Hotu (LABEH) nudar organizasaun independente, Anti Korupsaun, no Hahi valor Transperensia no Akuntabilidade hakarak deklara ba publiku kona ba monitorizasaun ba loron 100 nebe  Eng.Mario Viegas Carrascalão halo nia kna’ar nudar Vise Primeiru Ministru ba assuntu Administrativa.

“ Solidariedade ba Media iha Luta Kontra Korupsaun”

Iha Konferensia ba Imprensa (16/01/2009) ho tema
“ Solidariedade ba Media iha Luta Kontra Korupsaun”

LABEH nudar NGO Anti-Corruption hakarak fo solidariedade bo'ot ba komitmentu Governu nian hodi luta hasoru korupsaun liu husi kriasaun Komisaun Anti Korupsaun nebe tinan ida ne’e hetan ona ninia osamentu no hein atu hetan aprovacao husi Parlamentu Nasional.
LABEH louva tebes ba komitmentu Governu nian oinsa bele luta hasoru korupsaun iha nasaun ida ne’e. Maibe LABEH mos triste teb-tebes ho aksaun nebe membru Governu balun foti hasoru jornalista sira. Ita hotu hatene katak asuntu korupsaun , asuntu ida nebe IV Governu konstitusional foti nudar prioridade ida maibe iha realidade nebe akontese ohin loron hatudu katak membru Governu nebe tuir lolos suporta maka’as ba asuntu politika Governu nian oinsa bele hasoru korupsaun mak uluk lori fali jornalista nebe hato’o reportajem kona ba indikasaun korupsaun  iha Ministerio Justica nian ba tribunal. LABEH husu ba Ministra Justica atu submete ba investigasaun kona ba alegasaun korupsaun iha ninia ministerio do que ameasa jornalista sira ho defamasaun. LABEH la konkorda tebes ho asaun defamasaun wainhira seidauk iha investigasaun profundo ba akuzasaun nebe refere.

ANALIZA LABEH BA REZULTADU LORON 100 VICE PM ASSUNTU ADMINISTRATIVA, Eng. MARIO CARASSCALAO

REZULTADU LORON 100 (05/03/09-23/07/09) ENG. MARIO VIEGAS CARASSCALÃO NUDAR VISE PRIMEIRU   MINISTRU BA ASSUNTU ADMINISTRATIVA

Primeiru Ministru Xanana Gusmão iha nia diskursu loron (18-12-2007) hatete katak primeira vez mak foin ita iha Governu ida ke iha komitmentu oin sa atu bele reduz risku korupsaun iha ita nia rain.

LABEH 2008 “ The Year of Responsibility, Action and Reality ”

 KOMUNIKADO DA IMPRENSA

Lalenok Ba Ema Hotu (LABEH) nu’udar NGO Anti Korupsaun ne’ebe Hahi no Tane A’as Valor Transparencia, Akuntabilidade no Boa Governasaun liu husi Kombate Korupsaun. Hanesan Sociedade Civil (ONG) nebe Independenti no Imparsial, LABEH hahi nia Misaun no visaun Liu husi Departementu tolu mak hanesan Departementu Transparencia no Akuntabilidade, Departementu Advokasia no Monitoring Osamentu no Departementu Edukasaun e dezenvolvementu Kapasidade.

Departementu edukasaun mak hanesan departementu ida nebe fo formasaun ba Timor oan nebe hakarak promove sira nia skill iha Lingua Ingles liu husi kursu lingua ingles,  nebe hahu tiha ona simu kandidatura ba periode x hamutuk 103  husi level oi-oin mak hanesan;  Level baziku studantes 50, Level Pre Intermediate ho Intermediate hamutuk studantes 48, Level Pre Advance Studantes nain 5  mak registra ona iha Departementu Edukasaun LABEH.