Advocacy and Monitoring
Estudantes LABEH-VS HALO ACTIVIDADE IHA LABEH
Budget Monitoring
Who Are We
Education, Training and Capacity Development
Transparency, Accountability, Integrity, Good-governance, Courage, Justice and Democracy.

“Indikasaun Korupsaun iha Ministerio Edukasaun, Kazu Kareta OB-VAN RTTL no Nomeiasaun Expedito Dias Ximenes ba Prezidente Conselho Administrativa RTTL”

Tanba ne’e, LABEH bolu atensaun ba Primeiro Ministro da RDTL hodi fo lalais autorizasaun ba auditoria do estado ka Inspeitor Jeral da RDTL atu bele halo investigasaun auditoria ida ke profundo ba Ministerio Edukasaun. Tanba tuir evidensia nebe LABEH iha katak, iha osamento ho valor boot nebe gasta la tuir nia dalan.

Iha evidensia forte hatudu katak iha kareta ida nebe a’at iha Ministerio Edukasaun, Ministro Edukasaun, assina hodi uza osamento do estado liu US 10.000 (rihun sanulu resin) hodi hadi’a kareta refere. Tanba ne’e LABEH hare katak assuntu hanesan ne’e sai ona husi realidade. Presiza duni halo investigasaun, tanba se karik uza osamento boot hodi hadi’a deit kareta refere tanba sa Estadu/Governu la aumenta tan deit hodi sosa fali kareta foun?

Iha parte seluk, familia mak halo uma ba escoltu, mai klaim fali osan iha Ministro Edukasaun. LABEH mos hakarak koalia kona ba osamento ho valor US.100.000 resin nebe Ministro Edukasaun uza hodi aluga kareta tula sasan deit Hahalok sira hanesan ne’e prejudika komitmentu Governu nian hodi Kombate korupsaun, Mal administrasaun no Abuju de poder. Tanba ne’e, LABEH husu atu halo auditoria internal ke profunda iha Ministerio Edukasaun.

LABEH mos bolu atensaun ba Ministro Edukasaun, Sr. João Cancio Freitas atu bele rejigna an se karik investigasaun hatudu katak evidensia hirak ne’e los katak ME gasta ona osamento estadu ka tenta gasta osan estadu nebe la tuir dalan hodi nune’e atividade estadu iha area edukasaun nian bele la’o tuir nia dalan. LABEH triste tanba ita nia edukasaun nebe sai prioridade importante tebes ba nasaun ida ne’e bele la’o sabraut hanesan ne’e tanba deit ema laiha planu nebe fiksu atu ezekuta osamentu sira ne’e.

Iha parte seluk, LABEH mos bolu atensaun kona ba kazu kareta OB-VAN RTTL nian nebe gasta ona osan  valor US 460.000 hodi sosa kareta OB-VAN ho objetivu povu mos bele assesu ba informasaun. To’o ohin loron povu seidauk hetan benefisiu husi kareta OB-VAN ne’e. Tinan rua liu ona no to’o ohin loron kazu OB-VAN RTTL ne’e seidauk nafatin iha rezultadu final.

LABEH mos bolu atensaun ba membru Parlamentu Nasional nebe deklara ona ba publiku katak sira hakarak kria Komisaun inkeritu ida atu halo inkeritu kona ba kazu OB-VAN. LABEH eziji ba sira, servico ne’e to’o iha nebe ona?? Povu hakarak hatene tanba sa mak kareta OB-VAN ne’e la uza to’o agora?? Tanba povu mos iha direitu atu assesu ba informasaun.

Importante mos atu ejiji nafatin kareta OB-Van nia paradeiro no oinsa nia kondisaun tanba gasta tiha ona osamento ho valor boot hodi sosa ho objetivu atu povu bele hetan informasaun nebe sira hakarak. Pior liu tan agora dadauk ne’e povu prepara an ona atu tama ba eleisaun chefe do suku no eleisaun Municipio tanba ne’e presiza duni atu oferece informasaun ba sira liu husi kareta OB-VAN ne’e.

Iha parte seluk, kona ba nomeiasaun husi Conselho Ministro ba Expedito Dias Ximenes atu lidera nafatin RTTL. LABEH husu ba Conselho Ministro atu tetu didiak. LABEH la kontra poder Conselho Ministro nian hodi nomeia se deit mak bele tur iha RTTL maibe LABEH husu ba Conselho Ministro hodi hare fila fali rekomendasaun Gabineti Inspeksaun Jeral (GIJ) nian nebe hateten Expedito Dias Ximenes presiza hetan suspensaun indisiplinar tanba hahalok Mal administrasaun nebe akontese iha prosesu sosa kareta OB-VAN RTTL nian.

LABEH hakarak husu ba Conselho Ministro, foti ona desizaun iha rekomendasaun GIJ nian ka lae?

Wainhira kazu OB-van nia prosesu judisial sei la’o hela iha PGR, oinsa Governu ida nebe iha political will atu hasoru korupsaun bele nomeia fali deit ema nebe tuir relatorio GIJ nian tenki hetan suspensaun indisiplinar ne’e? pior liu tan, rezultadu husi kazu OB-VAN ne’e mos seidauk iha fim.

LABEH ejiji nafatin, implementa lai sansaun administrativa nebe rekomenda husi GIJ no halo lai investigasaun profundu kona ba relatorio sira nebe mai husi RTTL rasik tanba LABEH hare fila fali katak fungsionario sira iha RTTL 84 mos hato’o karta ida ba iha Parlamentu Nasional kona ba assuntu Governu nian.

LABEH husu ba estadu, se karik Governu nia komitmentu metin duni luta hasoru korupsaun, LABEH hanoin katak sala ki’ik sira ne’e bele ona prova komitmentu Governu nian hodi luta hasoru korupsaun. Se ida ne’e mak la realize, susar tebes mai ita atu luta hasoru korupsaun, Mal administrasaun no Abuju de poder.n

Find us on Facebook

Follow us on Twitter