Budget Monitoring
Estudantes LABEH-VS HALO ACTIVIDADE IHA LABEH
Transparency, Accountability, Integrity, Good-governance, Courage, Justice and Democracy.
Education, Training and Capacity Development
Advocacy and Monitoring
Who Are We

LABEH: Ita Labele Halo Deklarasaun Tanba Ita Laran Moras ka La Gosta

LABEH fo agradese ba Eis PM tanba nia rekonhese ezistensia LABEH iha Timor no mos rekonhese katak LABEH luta duni hasoru Korupsaun. Christopher mos hatutan katak LABEH nunka mais ta’uk ka Lambe ema ida atu fo orsamentu hodi hala’o servico tanba LABEH mantein nia integridade. Integridade mak importante liu. Kona ba ex PM dehan “Komu nia (Christopher) hetan osan husi Governu AMP, nia hakarak defende Governu AMP, Mais Hau uluk nunka fo osan ba nia” Christopher mos hatan katak Governu anterior nunka fo osan ba LABEH. Ne’e los duni tanba LABEH nunka husu para Governu anterior fo osan ba LABEH hodi uja halo servico. LABEH mos nunka hetan osan husi Governu AMP atu halo nia servico. LABEH instituisaun independente. LABEH la’os porta voz Governu  nian. LABEH koalia kona ba asuntu korupsaun tanba ida ne’e mak Governu fo fiar ba LABEH hodi halo sosializasaun, LABEH iha pozisaun nebe a’as tanba LABEH hetan rekonhesimentu hodi lidera Konsultasaun Nasional nebe ohin loron povu tomak hatene katak iha ona Draft Lei ba asuntu korupsaun. Ne’e esforso LABEH nian. LABEH la responde ho laran moras maibe responde tanba realidade mak hatudu hanesan ne’e.


LABEH hakarak hare realidade nebe akontese iha ita nia rain. Ita labele halo deklarasaun tanba ita laran moras, tanba la gosta, tanba ita hanoin katak realidade la’os ona realidade. LABEH to’o ohin loron koalia nafatin kona ba asuntu korupsaun tanba tempo Governu anterior ita laiha ou nunka iha asesu ba informasaun husi orgaun soberanu sira atu hatene saida deit mak sira halo ona. LABEH nunka defende Governu AMP ho sira nia hahalok korupsaun.

Ita hare asuntu Korupsaun iha mudansa barak ba tinan ida ne’e., maski sei iha individual balun iha Governu kontinua nafatin halo sira nia hahalok nebe kontra lei ka halo korupsaun. Ema hirak ne’e subar iha Xanana nia kotuk. LABEH iha Ai-knanoik ida “ Xanana mak kaer sumbrinha, wainhira Nia (Xanana) hases sumbrinha, sira nebe subar iha kotuk sei sai bokon hotu”. Perguntas boot mak ne’e,  Oinsa ita nia instituisaun sira nebe iha kbi’it hodi hasoru korupsaun nunka hatudu sira nia kbi’it? Ka fo hatudu faktus konkretas nebe hatudu katak govetrnu ida nee halo korupsaun boot liu fali Governo anterior?

Realidade, ita bele dehan katak PDHJ husik hela kazu sira ne’e. LABEH hanoin katak instituisaun sira ne’e nonok tanba sira lakohi Governu ida ne’e halo asaun konkretas hasoru korupsaun. Tanba ida ne’e LABEH kontinua nafatin ejiji katak buat nebe Governu persija halo maka presija hadi’a jestaun. Jestaun iha Prokuramentu, Jestaun Governasaun, Jestaun hirak nebe halo ita la hetan orsamentu ida ne’e. LABEH hanoin katak wainhira Governu hamri’ik ona no hadi’a jestaun sira nee signifika katak Governu bele tau matan diak liu tan.

Relasiona ho Inkapasidade husi orgaun hirak nebe mak tau matan ba asuntu refere, LABEH fo valor boot ho kriasaun Komisaun Anti Korupsaun katak komisaun ida ne’e  iha futuru se karik hari’i labele sadere ba Governu , Parlamentu Nasional ka ba se deit. Atu nune’e ema nebe mak na’ok povu nia osan tenki responsabiliza sira nia hahalok.  LABEH hanoin katak Governu ida nee hakarak duni luta hasoru korupsaun. Ita bele hare ho matan iha esbosu de Lei nebe Governu ida nee prepara, maibe ita sei hare nia evolusaun ne’e to’o iha nebe. Se mak kontinua nafatin hahalok korupsaun ita hare komisaun ne’e atu halo saida?.

Timor Leste la hetan fundus MCC la signifika katak Timor Leste lakon ona oportunidade total ka drop out. Maibe signifika katak presija hadi’a jestaun, hadi’a programas atu nune’e wainhira osamentu ne’e mai, Timor Leste bele ona implementa osamentu ne’e ho diak. Wainhira MMC la tama iha Timor Leste ita lalika dehan katak povu ida nee lakon tiha ona oportunidade atu Governu ida nee responde povu nia nesecidade tanba Governu mos iha mekanismu seluk hodi responde ba nesecidade povu.

Kona ba asuntu korupsaun, LABEH mantein nafatin katak ema koruptor ida, tenki ba Hotel Becora maibe presija duni orgaun sira nebe iha kbi’it ba asuntu refere mos tenki iha sinserierade. Labele iha kotuk dudu deit katak iha korupsaun, korupsaun maibe la foti asaun konkretas nebe forte.

Realidade hatudu duni katak impaktu fundus MCC la tama iha Timor Leste ba tinan ida ne’e tanba Governu Anterior nebe uluk lidera husi Sr. Alkatiri nia politika Zero Toleransia ba korupsaun ne’e sai deit Slogan Politika. 
                                                                     
17/12/2008

Find us on Facebook

Follow us on Twitter