Transparency, Accountability, Integrity, Good-governance, Courage, Justice and Democracy.
Advocacy and Monitoring
Budget Monitoring
Who Are We
Education, Training and Capacity Development
Estudantes LABEH-VS HALO ACTIVIDADE IHA LABEH

LABEH Halo Lancamentu ba Programa G.WATCH

LABEH la kontra sistema Single Source ka sistema penunjukan secara langsung tamba ne’e iha lei maibe LABEH kontra sasan nia folin nebe tamba uja meius Single Source sasan nebe presija sosa iha merkadu por ezemplu ho folin $700 maibe wainhira uja sistema single source nia folin bele to’o $3000 tamba ne’e LABEH lanca programa nebe hanaran Government Watch LABEH nian ho objetivu sei hare kona ba prosesu nebe presija hala’o wainhira instituisaun Governu nian fo projetu ba kompania nebe manan tender.

Programa ida ne’e presija hetan apoiu maka’as tamba ita hare iha noticias fulan hira liu to’o ohin loron koalia deit kona ba Korupsaun, ema akuza malun, maibe instituisaun sira nebe hari atu trata ba asuntu ne’e hodi halo investigasaun seidauk halo ou koalia buat ruma nebe signifikante ba akuzasaun hirak ne’e. Problema ida nebe LABEH identifika momos ohin loron mak problema Single Source Project.

Single Source ne’e bele halo Governu lakon oportunidade ida ke diak hodi servi povu tanba prosesu uja Single Source ne’e gasta liu orsamentu. Sasan folin Bo’ot liu fali folin normal wainhira uja sistema Single Source. Se wainhira projetu barak liu husi programa Single Source,  ne’e hatudu inkapasidade husi Ministru ka Secretario Estadu balu tanba laiha planu antes atu ejekuta orsamentu. Sira halo emerjensia para bele hetan oportunidade atu fo Single Source ka menunjukkan langsung ba ema katak tanba situasaun emerjensia mak sira halo ida ne’e. Tanba ida ne’e mak LABEH uja meius G.WATCH hodi fo hanoin ba Governu katak Ministru ka Secretario Estadu sira tenkiser iha planu ezekusaun ba orsamentu estadu nian antes atu ezekuta osan la’os urjente ou mendadak deit e halai ba meius Single Source.

LABEH sei la kestiona kona ba kompetensia Ministru ka Secretario Estadu sira atu ezekuta osan ho valor Bo’ot $100.000 ba kraik maibe se karik kompetensia ne’e ba deit Single Source ne’e hatudu katak se sira fo Single Source dala sanulu ho valor hanesan ne’e  gasta tiha ona $ 1.000.000 maibe ita la hatene ninia benefisiu ba povu ne’e saida tanba ida ne’e presija duni Government Watch hodi fo hanoin ba Governu atu hare fila fali implementasaun orsamentu husi membrus Governu sira.
            
Dili, 10 July 2008

Find us on Facebook

Follow us on Twitter