Transparency, Accountability, Integrity, Good-governance, Courage, Justice and Democracy.
Education, Training and Capacity Development
Budget Monitoring
Estudantes LABEH-VS HALO ACTIVIDADE IHA LABEH
Who Are We
Advocacy and Monitoring

LABEH REALIZA LABEH READING DAY PROGRAMME BA ESTUDANTE 84

Relasiona ho ida ne’e iha loron sabadu (24/05/2008) LABEH liu husi Departementu Edukasaun realiza programa ikus ba kursu lingua Ingles nebe mak hanaran LABEH Reading Day Programme ba estudante Periode X nebe mak kompostu husi classe Basiku, Pre-Intermediate, Intermediante, no Advance  ho total estudantes 84. Programa ne’e rasik hahu husi tuku 07.30 dader to’o tuku 11.05 dader iha Jardin Da Paz Bidau Lisedere, Dili.
Programa ne’e direitamente dirizi husi Direitur Ezekutivu LABEH Dr. Christopher Henry Samson hamutuk ho ekipa Departementu Edukasaun no Hasa’e Kapasidade. Tuir Direitur Ezekutivu LABEH Dr. Christopher Henry Samson nudar mos mestre ba kursu Ingles hateten katak objetivu husi LABEH Reading Day Programme atu bele fo konyesimentu ba estudantes atu kuda konsiensia hodi nune’e sira bele badinas le’e livrus. LABEH mos iha livru barak teb-tebes nebe mak hetan ajuda husi THE ASIA FOUNDATION. LABEH hakarak atu estudante sira le’e livru sira ne’e para komprende saida mak sira le’e hodi bele aumenta sira nia matenek la’os deit iha lingua Ingles maibe mos buat nebe hakerek iha livru laran hanesan kona ba Ekonomia, Cultura, Leadership, Skill, Antropologhy, Oinsa luta hasoru Korupsaun, Governance no sst. Iha prosesu ne’e estudante sira ida-idak foti livru ho lian Ingles ida iha LABEH Resource Centre hodi ba le’e depois de le’e nia esplika fila fali saida mak nia le’e tiha ona ou fo sai fila fali nia komprensaun ba artikel nebe nia le’e. Ne’e aktividade dala ikus iha 4 Skills Processes of Learning English. LABEH fiar katak ho esforco ida ne’e ba estudates bele lori nasaun ne’e ba oin mos ita bele hetan kualidade bo’ot husi sira.
Madalena  da Crus nudar estudante kursu Ingles iha LABEH hateten katak “programa ne’e kapas teb-tebes no iha diferensia bo’ot entre fatin kursu sira seluk nia mos hatutan tan katak ho programa ida ne’e bele hametin liu tan mentalidade juventude hodi esforco an le’e livrus. Iha programa ida ne’e la’os hanorin ita atu le’e deit maibe mos halo ita atu hatene no komprende saida mak ita le’e. Tamba ne’e Le’e importante duni tamba ita bele hatene buat barak liu husi le’e”.    
Tuir Coordenadora Departementu Edukasaun no Hasa’e Kapasidade, Sra. Guilhermina dos Santos Moujinho katak LABEH liu husi Departementu Edukasaun no Hasa’e Kapasidade, iha loron 30 Maio 2008 sei hala’o serimonia Graduasaun fahe Sertifikadu ba estudantes periode X nebe mak ho total ema nain 84. Departementu Edukasaun to’o ohin loron fo tiha ona sertifikadu ba estudantes hamutuk rihun ida resin  inklui mos bolsu estudu ba Journalista sira, hanesan kontribuisaun ba Nasaun iha area Dezenvolvementu Kapasidade. Iha oportunidade ida ne’e mos LABEH hakarak informa ba publiku katak LABEH liu husi Departementu Edukasaun no Hasa’e Kapasidade hahu loke ona eskrisaun (pendaftaran) ba estudante foun kursu lingua Ingles ba etapa XI.
LABEH sei kontinua nafatin fo formasaun ba Timor oan sira nebe mak iha hakarak diak atu promove sira nia skill iha Lingua Ingles no mos iha area kapasitasaun seluk ne’ebe LABEH hakna’ar ba.
Dili 26, May 2008

Find us on Facebook

Follow us on Twitter