Estudantes LABEH-VS HALO ACTIVIDADE IHA LABEH
Advocacy and Monitoring
Who Are We
Education, Training and Capacity Development
Budget Monitoring
Transparency, Accountability, Integrity, Good-governance, Courage, Justice and Democracy.

LABEH HALO KALAN TALENTU BA ESTUDANTES 45

Estudante Periode X Kursu Lingua Ingles nebe mak durante fulan tolu ne’e aprende Ingles tuir tiha ona programa nebe mak estudante sira tenki tuir. Programa ne’e hanaran “Talent Night Presentation” nebe mak sai nudar programa nebe Special iha kursu Ingles nebe mak realiza tiha ona iha loron Sabdu (10/05/2008) hahu husi tuku 18.00 loraik to’o tuku 10.30 dader iha Salaun Konferensia LABEH, Kampung Baru, Dili.
Iha okaziaun ne’e Direitur Ezekutivu LABEH Dr. Christopher Henry Samson nudar mos Mestre ba kursu lingua Ingles salienta katak “  objetivu husi programa ida ne’e mak atu fo korajem ba estudante sira, atu  estudante sira husi nivel hotu-hotu bele konyese malu diak liu tan no mos sira bele hatene katak ita ne’e one family ka familia ida deit, no atu fo hatene saida mak talenta. Iha programa ne’e estudante ida-idak aprezenta sira nia talenta ho Lingua Ingles. Dr. Christopher Henry Samson mos hatutan tan katak “ iha LABEH la’os fo kursu Ingles deit maibe FORMA EMA ATU SAI EMA ida ne’e mak importante. Iha kalan talentu ne’e, atu hatene lolos saida deit mak sira aprende ona durante fulan tolu nia laran iha LABEH, sira atu halo saida ba sira nia futuru bazeia ba talenta nebe mak sira iha. To’o agora ita nia jovem Barak halo arbiru deit tamba la hatene saida mak talenta tamba ne’e mak LABEH organiza programa ida ne’e atu ajuda estudante sira hodi buka hatene saida mak sira nia talenta no tamba sa mak talenta ne’e importante.
Iha okaziaun ne’e mos iha vizita  especial ida husi ita nia Artista “Seniman” sira hanesan Sr. Abel Barreto no Sr. Augustu Mendonca nebe mai hatudu direitamente sira nia talenta hanesan hato’o poesia no kanta kantiku barak no fahe esperiensia iha rai li’ur hanesan iha Canada no iha rai seluk nebe mak sira ba. Sira uza sira nia talenta fo hatene ba mundu kona ba ita nia rain TIMOR liu husi Poezia no kanta. No husi sira nia talenta sira hetan osan hodi sustenta sira nia moris iha rai li’ur. Iha momentu especial ida ne’e Sr. Abel Barreto mos salienta katak “hau hakat mai iha ne’e la’os tamba osan maibe tamba Domin no Caridade ne’e mak hau hamutuk iha ne’e atu fahe talenta nebe hau iha, katak maromak fo ona talenta ba hau no oinsa hau dezenvolve”. La’os atu husik le’et deit  maibe nia hakarak fahe no hatudu talenta  ba ita hotu liu husi kantikus no poesia oi-oin nebe furak mak nia hato’o. iha okaziaun ne’e mos Sr. Abel entrega nia livru hanesan lembranca ba LABEH ho titulu “TERRA”  nebe mak Nia ho nia amigos sira hakerek waihira sei iha Australia no nia hateten katak ita ema bele mate maibe ita nia matenek sei la mate.wainhira ita fahe ita nia matenek ba emaseluk liu husi Livru ka talenta nebe ita iha.
Iha parte seluk, Sr. Agustu Mendonca mos salienta katak kalan ida ne’e hanesan kalan nebe especial teb-tebes no primeira vez ba nia hare ho matan no aprende buat foun barak liu husi estudante sira. Nia mos hatutan katak hanesan Direitur Ezekutivu LABEH dehan iha LABEH la’os deit atu aprende lingua maibe mos forma mentalidade nebe diak “atu forma ema sai ema” atu nune’e bele partisipa iha dezenvolvimentu nasaun nian. Objetivu vizita husi ita nia Artista sira ne’e mak atu fo korajem ba estudantes sira liu-liu atu bele hatene liu tan saida mak talenta, tamba sa mak talenta ne’e importante tebes no oinsa ita atu dezenvolve.  
Maski estudantes sira tuir ona Talent Night Presentation maibe ne’e la’os katak programa ikus husi kursu Ingles maibe sira sei tuir tan ezame ba Four Skills iha Lingua Ingles nebe mak hala’o iha semana ida ne’e nia laran hanesan Listening , Speaking, Reading no Writing.  
LABEH liu husi Departementu Edukasaun no Hasa’e Kapasidade, iha loron 30 Maio 2008 sei hala’o serimonia Graduasaun fahe sertifikadu ba estudantes periode X nebe mak ho total ema nain 84. Departementu Edukasaun to’o ohin loron fo tiha ona sertifikadu ba estudantes hamutuk rihun ida resin  inklui mos bolsu estudu ba Journalista sira, hanesan kontribuisaun ba Nasaun iha area Dezenvolvementu Kapasidade.
LABEH sei kontinua nafatin fo formasaun ba Timor oan sira nebe mak iha hakarak diak atu promove sira nia skill iha Lingua Ingles no mos iha area kapasitasaun seluk ne’ebe LABEH hakna’ar ba.

 Dili, 13 Maio 2008

Find us on Facebook

Follow us on Twitter