Estudantes LABEH-VS HALO ACTIVIDADE IHA LABEH
Advocacy and Monitoring
Transparency, Accountability, Integrity, Good-governance, Courage, Justice and Democracy.
Budget Monitoring
Education, Training and Capacity Development
Who Are We

“Dr. Christopher Henry Samson Hateten Katak Sira Nia Kondisaun Grave Teb-Tebes Precisa Atensaun Husi Governu”.

Difikuldades nebe mak sira infrenta durante ne’e hanesan Estrada a’at. laiha Elektrisidade, Laiha Be moos , Fatin tratamentu Saude (Klinika Mobile) laiha, Laiha fatin apredizajem (eskola), laiha materiais eskola no mos laiha salariu ba Profesores sira. Laiha ekipamentus desportu ba juventude sira.
Iha parte Saude, Triste teb-tebes wainhira komunidade sira moras tenki la’o deit mai iha Ermera vila. Estrada mos a’at tamba ne’e laiha transporte ida mak bele to’o iha neba. Komunidade sira mos triste teb-tebes tamba laiha be mos atu uza ba sira nia nesesidade lor-loron. Atu kuru deit be mo’os tenki la’o mais ou menus kilometru ida ka rua. Tempu kafe mos besik ona e sira presija be’e mo’os barak hodi bele fase kafe hodi nune’e bele produs kafe nebe mo’os no iha kualidade. Iha parte Edukasaun nian iha Eskola Primaria Publika ida nebe mak iha Suku ne’e la hetan atensaun husi Governu durante ne’e. Husi Edukasaun Distrital nian nomeia hela deit ema hodi hanorin e fatin nebe sira uja hodi hala’o prosesu aprendizasaem la suficiente teb-tebes, laiha materias eskola no triste liu tan mak to’o agora laiha salariu ba professores nebe mak durante ne’e hanorin. Pior liu tan to’o agora Komunidade sira sei moris iha nakukun laran. Iha parte Desportu nian tuir LABEH nia hare Juventude sira iha espiritu makaas hodi hala’o aktividades desportu maibe sira so falta deit mak ekipamentus Desportu nian. Iha mos grupu feto sira husi suku neba  mak husu ba Governu liu husi Ministerio nebe kompetente atu tau matan ba sira hanesan bele fahe makina suku ropa ba sira hodi nune’e sira bele esforco an rasik hodi sustenta sira nia moris e mos bele hanorin feto maluk sira seluk aprende suku.  Maski hato’o ona propostas bar-barak ba Ministerio kompetente maibe laiha rezultadu to’o agora.
LABEH hato’o PARABENS ba SE Cultura, Sr. Virgilio Smith nebe oferece ona ekipamentus Musica Tradisional ba populasaun iha suku nebe refere. Iha okaziaun ne’e mos ONG Internasional IOM fo ajuda ba Juventude sira hanesan fahe farda Desportu nian.   
LABEH mos promete ba populasaun katak LABEH sei lori rasik propostas nebe populasaun sira halo tiha ona hodi ba entrega iha Ministerio hirak nebe mak kompetente e husu ba Ministerio kompetente atu tau matan lalais ba Komunidade iha suku nebe refere.
LABEH promete sei kontinua halao monitorizasaun iha Timor Leste tomak liu-liu iha area nebe LABEH hakna’ar ba.
 
Dili, 08 Maio 2008

Find us on Facebook

Follow us on Twitter