Education, Training and Capacity Development
Transparency, Accountability, Integrity, Good-governance, Courage, Justice and Democracy.
Advocacy and Monitoring
Who Are We
Estudantes LABEH-VS HALO ACTIVIDADE IHA LABEH
Budget Monitoring

LABEH ho Dignidade Husu ba Vice Primeiro Ministru Aktual atu Submete ba Investigasaun

Vice Primeiru Ministru iha direitu atu submete ba investigasaun tamba Sr. Jose Luis Guterres iha direitu para rekopera nia naran diak se karik investigasaun hatudu katak laiha evidensia ne’ebe bele komprova alegasaun ne’e. Tamba kazu hanesan ne’e bele afekta Vice Primeiru Ministru nia dignidade, bele mos afekta nia naran diak no nia servico nudar Autoridade Governu nian.
Alegasaun ne’e sai na hanesan kazu publiku ne’ebe hamosu duvidas no konfuzaun oin -  oin iha povu nia le’et. Tenki hola medida investigasaun profundu ida atu bele prova kondenasaun ida katak korupsaun ne’e los ka lae? Abuzu de poder ne’e iha faktus ka lae? Se karik alegasaun ne’e falsu entaun tenkiser hadi’a fali nia naran no mos hadi’a Estadu nia naran.
Relasiona ho kazu ne’e, LABEH lamenta tebes ho steitmentu ne’ebe Adjuntu Provedor Direitus Humanus e Justica (PDHJ) ne’ebe fo sai ba publiku katak lei la fo fatin ba PDHJ atu investiga kazu ne’ebe akontese iha tinan 2004 nian.
LABEH la konkorda ho PDHJ nian ne’e tamba kazu ne’e kazu publiku no PDHJ labele tur nonok deit atu hein keixa deit maibe tenki foti inisiativa atu deskobre akontecementu husi alegasaun ne’e, tamba alegasaun ne’e la hasoru ema bain – bain maibe hasoru Vice Primeiru Ministru ne’e katak alegasaun hasoru Estadu. Tamba PDHJ la fo importansia kona ba kazu hanesan ne’e mak buat hotu sai konfuzaun iha publiku.
LABEH husu dala ida tan ba PDHJ atu hadi’a an, tamba lei fo fatin ba PDHJ atu halo investigasaun sem iha ema ida hato’o keixa ba sira. Lei fo oportunidade ba sira atu halo investigasaun tuir sira nia inisiativa rasik. Kazu Sr. Jose Luis Guteres nian ne’e kazu ida ke publiku ne’ebe hotu-hotu hatene e bele estraga naran  Vice Primeiro Ministru nian no bele estraga dignidade estadu nian sei laiha investigasaun ida ke profunda. .

Dili, 11 Abril 2008

Find us on Facebook

Follow us on Twitter