Education, Training and Capacity Development
Transparency, Accountability, Integrity, Good-governance, Courage, Justice and Democracy.
Estudantes LABEH-VS HALO ACTIVIDADE IHA LABEH
Advocacy and Monitoring
Who Are We
Budget Monitoring

LABEH Fo Parabens Ba Parlamentu Nasional Nebe Ratifika konvensaun Anti Korupsaun

Relasiona ho ida ne’e Lalenok Ba Ema Hotu fo agradesemento bo’ot ba Parlamentu Nasional tamba povu tomak iha tempo halo kampanhia mos komprende katak membrus Parlamentu sira hakilar duni hodi luta kontra korupsaun, vontade Parlamentu nian hodi ratifika konvensaun ONU nian hodi kontra korupsaun hanesan vontade ida nebe positivu teb-tebes, ho ida ne’e Lalenok Ba Ema Hotu hato’o parabens  ba Parlamentu Nasional maibe la to’o deit iha ne’e.

 Orgaun sira nebe kompotente tenki hahu ona planu hodi halo akordu importante teb-tebes ho nasaun visinu sira hanesan Indonesia, Australia , Singapura, Malaysia inklui mos ho nasaun sira seluk nebe mak Timor oan sira hela ba, no liu husi  kolaborasaun sira ne’e bele fo atensaun ba Timor oan sira nebe tau fundus husi pratika korupsaun iha rai liur katak liu husi akordu konvensaun ONU nian kontra Korupsaun fo dalan ka  kolaborasaun entre nasaun ba nasaun bele ajuda rekolhia sasan Estadu nian nebe ema lori ba iha rai liur tamba ida ne’e LABEH husu ba Governu ho organ nebe kompotente hodi buka meius hodi asina akordu ho nasaun sira seluk para bele rekolhia sasan Estadu nian nebe mak Ema lori ba rai liur e latuir lei nebe iha.

LABEH uza oportunidade ida ne’e mos kongratula Governu nebe responde ba esjijensia povu nian hodi kria komisaun  Anti-korupsaun iha Timor Leste, LABEH kontenti teb-tebes tamba Governu halo ona lei atu estabeliza komisaun Anti-Korupsaun, lei ida nebe ohin loron iha Parlementu nia liman.

LABEH mos fiar katak vontade Governu nian hatudu iha lei ida ne’e presija hetan votus afavor totalmente ka maksimu husi Parlamentu Nasional tamba lei ida ne’e hatudu vontade Governu nian hodi hasoru korupsaun, lei ida ne’e tuir LABEH nia hare katak lei ida que diak teb-tebes ba rai Timor hodi hamrik hasoru korupsaun maibe iha buat balu iha lei ida ne’e presija membrus Parlamentu sira tau iha atensaun katak lei ida ne’e la fo dalan ba komisaun hodi buka tuir hahalok korupsaun, osan ka saida deit mak hala’o iha tempo pasado. lei ida ne’e mos la fo dalan ba komisaun atu bele fo opiniaun ba kazu sira nebe mak akontese tiha ona antes lei ida ne’e vigor, lei ida ne’e presija hare didiak katak sei komisaun labele halo investigasaun ba pratika korupsaun iha tempo pasado ne’e hatudu katak sira nebe mak naok povu nian osan iha tempo pasado sei moris libre tamba ida ne’e presija tau iha lei saida mak komisaun ne’e bele halo konaba pratika korupsaun iha tempo pasado sebele karik sira bele fo opiniun legal ida konaba asuntus ida ne’e.

Hare ba vantazen lei ida ne’e hatudu katak lei ida ne’e hakarak hare ba oin e lakohi  hare ba pasado tamba ida ne’e LABEH husu ba Provedoria Direitus Humanus e Justisa atu bele halo nafatin investigasaun ba kazu korupsaun nebe ohin loron ita rona iha jornal liu-liu kazu indikasaun korupsaun nebe mosu iha Ministrio Justisa nian presija halo investigasaun profundu konaba ida ne’e  tamba wainhira komisaun hari’i la bele halo investigasaun ba kazu ida ne’e, LABEH  mos husu ba Provedoria Direitus Humanus e Justisa atu bele halo investigasaun  profundu konaba assuntu korupsaun nebe ita rona mosu iha Ministrio Turismu  e Comersio LABEH husu Provedoria Direitus Humanus atu halo servisu makas liu tan atu bele lori koruptor sira nebe mak halo ona korupsaun iha tempo pasado to’o iha Prokurador Geral nia oin.
LABEH mos husu Provedoria Direitus Humanus e Justisa atu halo investigasaun ba kazu korupsaun sira nebe mosu iha Ministrio Estatal no mos konaba kazu korupsaun nebe mosu iha Ministerio  Agrikultura nian buat hotu  nebe mak akontese ona, ne’e resposabilidade Provedoria Direitus Humanus e Justisa nian la’os resposabilidade komisaun ninian para komisaun ida ne’e bele iha legitimidade nebe forte katak komisaun ne’e la bele responde kazu sira nebe akontese tiha ona tamba ne’e povu sei tau matan nafatin ba iha Provedoria Direitus Humanus to’o wainhira komisaun ida ne’e hari’i e ita mos husu Provedoria Direitus Humanus labele laran triste tamba wainhira lei Komisaun Anti-Korupsaun hetan aprovasaun husi Parlamentu Nasional ne’e hatudu katak  Provedoria Direitus Humanus e Justisa la iha ona poder hodi halo investigasaun  ba area korupsaun, maibe Provedor iha poder nafatin hodi halo programa ba area direitus humanus no area mal-administrasaun,  ida ne’e  hatudu katak la iha ona konflitu de interese ida entre komisaun ho Provedoria Direitus Humanus  tamba asuntus sira nebe iha ligasaun ho korupsaun sei ba direitamente iha komisaun, no mos asuntus sira nebe mak iha ligasaun ho mal admistrasaun no direitus humanus sei kontinua ba  Provedoria Direitus Humanus.

Find us on Facebook

Follow us on Twitter