Budget Monitoring
Transparency, Accountability, Integrity, Good-governance, Courage, Justice and Democracy.
Advocacy and Monitoring
Who Are We
Education, Training and Capacity Development
Estudantes LABEH-VS HALO ACTIVIDADE IHA LABEH

LABEH FO VALOR BO’OT BA PRIMEIRO MINISTRO NO MEMBRUS GOVERNU SIRA

 LABEH fo kongratula ba Governu. LABEH mos hein katak Projetu de Lei nebe aprova tiha ona hodi hari Komisaun nebe refere sei entrega lalais ba Parlamentu Nasional iha tempo badak. LABEH husu favor ba membrus Parlamentu Nasional husi bankada hotu-hotu atu fo apoiu tomak ba Projetu de Lei ida ne’e hodi nune’e Projetu de Lei refere hetan duni aprovacao iha Parlamentu Nasional atu nune’e Komisaun Anti Korupsaun bele hari hodi kombate korupsaun iha ita nia rain.

Iha oportunidade ida ne’e LABEH mos hakarak hateten katak relatorio TI (Transparency International) nebe tau Timor Leste nudar nasaun nebe mak iha korupsaun a’as, ita espera katak liu husi aprovacao resolusaun konvensaun ONU nian kontra korupsaun liu husi Konselho Ministru no liu husi aprovasaun Projetu de Lei atu hari Komisaun Anti Korupsaun bele fo dalan ona ba mundo Internasional katak Timor Leste iha ona Governu ida nebe seriu atu oinsa bele kombate korupsaun.

LABEH fiar katak ho aksaun sira nebe Governu foti, ho ajuda husi Parlamentu Nasional hodi aprova lei hari Komisaun nebe refere mos hodi ratifika konvensaun ONU nian kontra korupsaun sei fo valor boot tebes ba Timor Leste iha mundo nia oin. Tanba ne’e, LABEH husu favor boot ba Parlamentu Nasional hodi ratifika ona konvensaun ONU kontra korupsaun no aprova lalais Projetu de Lei kria Komisaun Anti Korupsaun.

Ikus liu, LABEH mos husu ba membrus Governu sira, Direitores sira, ba se deit nebe mak  implementa orsamentu de estadu nian tenki inplementa ho Transparensia, Akuntabilidade no Responsabilidade hodi nune’e povu tomak iha nasaun ida ne’e bele sente katak korupsaun hahu menus ona iha ita nia rai.                              

 
  09/10/2008

Find us on Facebook

Follow us on Twitter