Transparency, Accountability, Integrity, Good-governance, Courage, Justice and Democracy.
Estudantes LABEH-VS HALO ACTIVIDADE IHA LABEH
Budget Monitoring
Who Are We
Education, Training and Capacity Development
Advocacy and Monitoring

LABEH Fo PARABENS Ba Parlamentu Nasional Nebe Foti Kestaun Kona Ba Prosesu Sosa Kareta OB-VAN RTTL

LABEH nudar Oto principal nebe hahi no tane aas valor Transparensia no Akuntabilidade dala ida tan ho sentimentu, ho orgulho hakarak fo PARABENS ba membrus Parlamentu Nasional sira nebe foti kestaun nebe refere iha Parlamentu Nasional tamba ne’e kaju publiku nian. Publiku iha direitu atu hatene tamba sa mak to’o ohin loron kareta ne’e la uja? Kaju ne’e nia hun iha nebe los? tamba to’o ohin loron kareta nebe ita sosa ho osan valor bot teb-tebes seidauk fo benefisiu ida ba ita nia povu.
Parlamentu Nasional hatudu momos ba publiku katak sira rona hela, sira la tur nonok ho situasaun politika nebe iha, la toba ho intervensaun politika nebe iha, mos la toba ho asuntus sira seluk liu-liu kona ba kaju OB Van.
Tuir Dr. Christopher Henry Samson katak LABEH nebe tuir prosesu ida ne’e hahu husi inisiu to’o ohin loron koalia dalabarak ona kona ba asuntu ida ne’e hodi nune’e ita bele iha sentimentu ida hodi prevene iregularidade, buat ida nebe la tuir prosesu normal nebe iha, buat ida nebe laiha Transparente no Akuntabilidade ida ke adekuadu ba ezekusaun orsamentu. Gabineti Inspeitur Jeral nebe iha poder no mandatu Governu nian atu halo investigasaun mos hato’o ona rekomendasaun e iha relatorio hakerek momos katak iha irregularidade, iha Mal-administrasaun, iha pratika Korupsaun iha prosesu sosa kareta OB- van ida ne’e.

LABEH sei pronto atu ajuda PN wainhira sira presija hanesan fo komentario ruma iha prosesu investigasaun kona ba asuntu ida ne’e. LABEH husu ba komisaun ida nebe atu hare kona ba asuntu ne’e tenki kompostu husi bankada hotu-hotu hanesan rejimentu PN nian haruka hodi nune’e laiha influensia husi ema ruma kona ba prosesu ida ne’e. Nia mos hatutan tan katak kaju ida ne’e bele sai nudar ezemplu boot ida ba funsionario publiku katak atu hadia sira nia an wainhira sira hakarak halao prosesu ruma ou atu sosa sasan publiku nian tenkiser tuir prosesu legal, prosesu normal nebe laiha Mal administrasaun hodi nune’e bele fo benefisiu ba povu hotu.
Ita hein prosesu final husi kaju ida ne’e. dala ida tan ita ita kontente ho asaun nebe PN foti iha PN kona ba kaju ida ne’e.


Dili, 11 June 2008
Voice of LABEH

Find us on Facebook

Follow us on Twitter