Estudantes LABEH-VS HALO ACTIVIDADE IHA LABEH
Education, Training and Capacity Development
Budget Monitoring
Transparency, Accountability, Integrity, Good-governance, Courage, Justice and Democracy.
Advocacy and Monitoring
Who Are We

LABEH Husu ba Governu atu halo Dekretu Lei kona ba Konflitu de Interese

Tamba ne’e LABEH ejiji ba Governu atu lalais hahu preparasaun adekuadu ba Komisaun Anti-Korupsaun. Komisaun ne’e Presija hari hodi nune’e bele iha poder ida atu trata ba assuntu nebe refere tamba ohin loron ita iha ona evidensia barak katak membru Governu balun fo direitamente projetu nebe bo’ot ba nia familia. LABEH kontra tebes ho hahalok sira hanesan ne’e.
Relasiona ho hahalok sira ne’e, LABEH kontinua ejiji ba Governu AMP atu kria dekretu lei ida kona ba asuntu konflitu de Interese katak sei la iha familia husi Ministru ka Secretario Estadu nebe direitamente kaer projetu hirak ne’e. LABEH husu ba Governu atu introdus Dekretu de Lei ba konflitu de interese ne atu bele prevene membrus Governu sira labele fo projetu direitamente ba sira nia familia hodi nune’e bele dudu Boa Governasaun ba oin, dudu Transparensia no Akuntabilidade ba oin tamba se karik laiha Lei Konflitu de Interese ema bele uja nia familia hodi hariku an tamba se karik ida ne’e mak Governu la halo bele hatudu katak Governu hahu ona loke dalan ba membrus Governu sira hodi haburas fila fali Korupsaun iha Nasaun ida ne’e.
LABEH ejiji kona ba assuntu ne’e tamba Governu actual mak fo hatene e promete ona ba publiku katak sei luta hasoru Korupsaun, sei promove Transparensia no Akuntabilidade no Promove Boa Governasaun. LABEH husu ba Governu atu implementa Boa Governasaun ne’e lolos.
(*VoL(Voice of LABEH)).   
Dili, 06 June 2008

Find us on Facebook

Follow us on Twitter