(LABEH) Lamenta Tebes Ho Publikasaun Jornal STL Nian

Lalenok Ba Ema Hotu (LABEH) Lamenta Tebes Ho Publikasaun Jornal STL Nian”

Relasiona ho  notisia nebe publika  husi jornal STL, iha loron 08 Junhu  iha edisaun No. 8469 pajina  1-15, ho titlu MNE Tenki Hadia Protokolu Internasional, iha paragrap 3 nebe hatete passa revista funsionariu Aero portu Afrika do Sul, hasai tiha sapatu Primeiru Ministru nian, ne’e  Organizasaun Lalenok Ba Ema Hotu (LABEH) konsidera notisia ne’e la los tanba Direktor LABEH  lakoalia hanesan ne’e. LABEH konsidera failhansu ne’e  interpretasaun husi STL nian rasik.

Direktor LABEH  so bolu atensaun ba Ministru Negosiu Estranjeiru Jacarias Albano atu hadia nia protokolu tanba LABEH triste ho  informasaun nebe fo sai katak PM Xanana dala ida tan  hetan passa revista iha Aero portu Afrika do Sul molok tama halo enkontru ho Vise Prezidenti Afrika do Sul  tuir linha TVTL nian nebe fo sai.

“ Iha hasoru malu ho jornalista sira  iha loron Sesta (06/06 ) LABEH so   foti ezemplu husi akontesimentu uluk mak akontese iha Doha nebe publika husi jornal hatete PM Xanana hasai sapatu iha momentu halo vizita ba Eropa, laos  hatete PM hasai sapatu iha Aero  Portu Afrika do Sul nian foin Lalais ”.
  
LABEH triste hare asuntu ne’e iha  linha Televizaun Timor Leste (TVTL), tan ne’e  mak LABEH  husu MNE presiza  hadia nia protokolu internasional, tuir lolos PM Xanana labele submete ba passa revista tanba iha  Timor Prezidenti ka lideransa liur barak mai  fo siguransa ba sira, nunka orgaun soberano Timor Leste halo a’at ba preidenti, Primeiru Ministru ka konvidadus husi rai seluk mai Timor Leste.


LABEH rekuiñese nasaun TL respeita  nai ulun husi rai liur sira mai iha Timor maibe parte ida LABEH  triste tanba PM Xanana  pernah hetan passa revista iha rai liur.