Abuzu de Poder husi Assesor PM

 ‘‘Abuzu de  Poder no Mal Administrasaun Hosi Asesor PM Ba Asuntu Sosiedade Sivil Sr. Joaquim da Costa Freitas“

Lalenok Ba Ema Hotu (LABEH) nudar ONG  Anti Korupsaun nebe hahi  no  tane A‘as valor Transparensia no Akuntabilidade  hato’o  sentimentu triste tebes ho deklarasaun Asesor  Primeiru Ministru ba asuntu sosiedade sivil tanba  iha mundu  nebe deit laiha Governu ka Estadu  ida mak uza fasilidade Governu no Estadu  nian  hodi hato’o deklarasaun  atu ataka ema nia pessoal.

Tanba ne’e LABEH konsidera asaun  Asesor PM Joaquim Freitas nian nebe uza  kop- surat  IV  Governu Konsitusional, Gabieneti Primeiru Ministru Departementu  komunikasaun  hodi  responde  ba ejijensia  LABEH nian konaba proposta LABEH nian nebe  lakon iha nia servisu fatin.

LABEH   konsidera tebes  asaun  ida ne’e abuzu de  poder tanba IV Governu Konstitusional  nunka  ataka ema  nia pessoal  lori kopa surat  Governu  nian  maibe deklarasaun husi Asesor Joaquim uza fali fasilidade Governu nian hodi ataka  pessoal ema nian hanesan Governu mak halo.


Tanba ne’e LABEH triste, husu ba Governu atu halo investigasaun ida  profundu atu bele hatene Asesor PM asuntu sosiedade sivil nian ne’e hetan duni autorizasaun hodi  uza emblema  Governu konstitusional hodi  ataka ema nia pessoal  tanba iha deklarasaun nebe nia uza ho naran   IV Governu Konstitusional nunka hetan  asinatura husi Primeiru Ministru  ho Vise Primeiru Ministru asuntu sosiedade sivil nebé hatudu katak Asesor  ne’e rasik  uza sala  meius komunikasaun Governu nian  hodi  ataka ema nia pessoal.

Tanba proposta orsamentu LABEH nian atu halo monitorizasaun iha Ministeriu Agrikultura no Peskas (MAP) nebe hetan konkordansia husi Ministru Agrikultura Eng.Mariano Asanami Sabino  rasik no asinatura husi funsionariu MAP nian derepente deit lakon iha gabieneti PM  nian, divia Sr. Asesor  PM nian fo esplikasaun nebe klaru  tanba saida mak proposta ne’e lakon no simu nia responsabilidade katak proposta ne’e  lakon duni  iha nia servisu fatin, buka meius ho lia los hodi rezolve problema no  hadia jestaun  iha nia servisu fatin i divia responde ejijensia LABEH nian maibe nia uza  fali emblema  Governu nian ataka Instituisaun   LABEH nian.

LABEH  husu kona ba  proposta  nebe lakon  maibe Asesor  ne’e responde hodi sura fali nia  esperiensia servisu nian durante tinan 13 nebe LABEH nunka kestiona kona ba  ninia kapasiedade.  LABEH triste liu tan tanba Asesor  ne’e ninia funsionariu  mai iha edifisiu LABEH hodi informa katak proposta LABEH nian iha hela Vise Primeiru Ministru José Luis Guterres.   

Tanba ne’e mak LABEH hatete ba sira katak se proposta iha Vise Primeiru Ministru José Luis Guterres,ne’e  imi tenki pasiensia hein to’o wainhira Vise PM hatun proposta refere mak imi foin  halo prosesu maibe sira fila  la hetan ona dalan mak sira foin hatete katak proposta ne’e lakon  no la hato’o ofisialmente  mai LABEH kona ba proposta refere nebe lakon tiha ona.Ida ne’e mak LABEH husu intensaun saida mak proposta nebe aprova tiha ona tuir sira nia kriteriu  bele lakon?

LABEH  husu responsabilidade  husi Jaoquim Freitas nudar  Asesor PM asuntu Sosiedada  sivil, ami la husu kona ba nia pessoal, esperiensia servisu no la husu kona ba saida deit mak nia halo ona.

 LABEH   valoriza tebes sira nia kna’ar  no respeita sira tanba sira halo servisu ho orgaun estadu  ida nebe naran Governu,  liu-liu iha gabieneti PM.Ejijensia LABEH nian mak tanba LABEH  komprende Sr.Joaquim Freitas sei  la ba iha Parlamentu Nasional atu defende orsamentu Sosiedade Sivil  nian no LABEH  komprende katak Asesor PM nian sei la defende orsamentu nebe hetan aprovasaun iha Parlamentu.

Tanba  LABEH hatene katak ema nebe atu defende orsamentu ne’e mak Primeiru Ministru  tan ne’e Asesor PM tenki transparensia liu tan, tenki koalia los liu tan, tenki jere orsamentu Sosiedade Sivil ho dignidade  labele iha failhansu bo’ot ida nebe hamosu deskontentimentu  iha Sosiedade Sivil.

Tanba ne’e Sr. Primeiru Ministru labele hetan kritika barak husi  Parlamentu Nasional ka  opozisaun sira seluk ou Sosiedade Sivil tanba deit asesor PM  la hare proposta sira ho sinseriedade no ho kuidadu.

Iha loron 26-05-09 LABEH  hato’o karta ba PM, Vise PM asuntu Sosiedade Sivil no mos Vise PM asuntu administrasaun atu halo investigasaun para hatene intensaun saida mak proposta barak tebes iha Asesor Sosiedade Sivil nia okos no  ida nebe lakon mak LABEH nian deit.

Maibe iha loron 04-06-09 Joaquim Freitas uza  emblema  PM nian, meius komunikasaun ofisial chefi Governu nian sein iha kuiñesimentu husi PM,Vise PM sein iha  kuiñesimentu ema seluk nian hodi hato’o deklarasaun pessoal  kontra LABEH no Direitor Ezekutivu LABEH Christopher  Henry Samson.

Nudar  Direitor Ezekutivu LABEH,tenki defende naran organizasaun nian ho se deit mak hakarak hafoer LABEH nia naran.LABEH  hamrik laos atu hatudu liman ba ema seluk maibe atu kontrola sosial ba Governu nebe deit mak ukun.Se Sr.Joaquim Freitas la dun iha kuiñesimentu kona ba LABEH nia status  nia  bele hakat an mai koalia para hare no hatene aktividade LABEH nian.

LABEH  nunka hakilar atu hatun ka ataka ema nia pessoal maibe LABEH koalia deit faktus nebe iha.LABEH  fo obrigadu ba Sr.Joaquim Freitas tanba rekuiñese proposta LABEH nian lakon no buat nebe LABEH husu mak responsabilidade.Konaba proposta nebe lakon iha nia servisu fatin hodi labele hafoer naran Governu,para nia bele hadia jestaun servisu iha Gabinete PM nian, labele tanba nia la kuidadu servisu  mak PM noGovernu mak lori fali todan husi error nebe nia comiti. 

LABEH konsidera Jaoquim Freitas halo ona “Abuzu de Poder“ tanba karta nebe Nia hasai laiha CC ba Primeiru Ministru,laiha CC ba José Luis Guterres nebe Nia iha Nia okos,laiha CC ba ema ida, maibe Nia rasik mak hasai karta ida ne’e, hodi lori naran IV Governu Konstitusional hodi halo publikasaun liu husi E-mail hodi “ataka no deskredit“ fila fali LABEH nia naran no pessoal “Direktor Exekutivu LABEH“ nian, ne’e hatudu katak  Jaoquim Freitas laran moras ba organizasaun LABEH,a’at liu tan Asesor PM nian nebe uza naran kop-surat Ofissial IV Governu Konstitusional Gabinete Primeiru- Ministru Departmentu da Komunikasaun hodi ataka LABEH  no pessoal  Direktor LABEH nian lahatene hakerek ema nia naran, Asesor PM hakerek naran Direktor LABEH dala sanulu iha nia karta ba publikasaun hanesan ne“ Cristoper“ Kristoper.“
Ita moe ho esperiensia tinan 13 servisu.Asesor PM  presiza ba lee iha dictionario atu para hatene oin sa hakerek “Christopher“, laos hakerek ema nia naran arbiru deit.