LABEH LAMENTA HO CHAPA MATRIKULA OI-OIN NEBE BURAS IHA TL

LABEH LAMENTA HO CHAPA MATRIKULA OI-OIN NEBE BURAS IHA TL

Nudar ajente kontrolu sosial LABEH lamenta tebes ho chapa matrikula ba kareta Estadu nebe oi-oin iha TL. Chapa matrikula sira nee tuir LABEH hanesan hatudu show force entre instituisaun Estadu, instituisaun Governu no mos instituisaun sira nebe uza chapa matrikula diferente.

Nudar ajente kontrolu sosial LABEH lamenta tebes ho chapa matrikula ba kareta Estadu nebe oi-oin iha TL. Chapa matrikula sira nee tuir LABEH hanesan hatudu show force entre instituisaun Estadu, instituisaun Governu no mos instituisaun sira nebe uza chapa matrikula diferente. Ita hare instituisaun ida iha kareta rua ou maximu tolu deit maibe sira tau matrikula ba sira nia an rasik. Lamentasaun nee hatoo husi Diretur Ezekutivu LABEH Christopher Henry Samson iha nia eskritorio (25/05/10).

Ita hare instituisaun Estadu hanesan KKFP, CFP, CAC, PDHJ iha chapa matrikula nebe diferente hanesan iha CAC 1, CAC 2, PDHJ1 no sst. Tuir lolos instituisaun sira nee tenki aprende husi matrikula nebe instituisaun PGR uza katak iha mos numeru matrikula Estadu. Laos deit instituisaun sira nee, maibe ONG internasional sira nebe iha TL mos lakohi hakruk ba desizaun Estadu nian.

LABEH konsidera instituisaun Estadu sira nebe uza chapa matrikula diferente hanesan hahalok Show force atu hatudu sira nia forsa katak se mak numeru 1, se mak numeru 2 no se mak numeru 3. LABEH mos konsidera hahalok nee nudar kultura arogante nebe ita husik hela. Tuir lolos, Kareta sira nebe mai husi osamentu jeral do Estadu tenki tau chapa matrikula nebe determina tiha ona laós instituisaun ida ho chapa matrikula diferente. Tuir LABEH, Alende hatudu arogansia lideransa, sira mos hatudu katak sira laiha aseguru se wainhira akontese buatruma ou asidente ruma, kareta sira nee gampang dihancurkan tanba matrikula nebe diferente

Tuir LABEH nia hatene katak, seidauk iha lei nebe mak hare konaba assuntu nebe refere.  Tanba nee, Wainhira laiha lei signifika laiha autorizasaun para fo licensa uza matrikula diferente. DNTT labele deskrimina povu ida nee hodi fahe ba klasse boot, klasse kiik. Ho matrikula sira nebe diferente, kria deit konfuzaun iha sosiedade nia leet, ita mos la hatene oinsa fo forsa ba Polisia atu kontrola chapa matrikula sira nee. Ita mos la komprende servisu DNTT nebe fo autorizasaun utiliza matrikula diferente. Tuir lolos wainhira seidauk iha lei, laiha ema ida mak bele halo tuir nia hakarak.

LABEH hare katak situasaun hanesan nee, presiza atensaun lalais husi orgaun kompetente. Tanba nee, husu ba DNTT atu lalais halo proposta de lei ida konaba assuntu refere hodi hatoo ba PN ou Diak liu tan, PN bele ho inisiativa rasik hare ba assuntu nee. Labele hare deit nasaun nee sai sabraut ho matrikula nebe diferente nebe mak difikulta mos servisu polisia transitu nian. Halo ita sai konfuzaun atu hatene kareta Estadu mak ida nebe, kareta Governu maka nebe, kompanha mak nebe? Se wainhira situasaun nee kontinua lao tanba laiha lei, nee hatudu katak ita laiha ona kapasidade atu kontrola movimentu transitu sira se wainhira iha asidente ruma susar tebes ba Polisia atu hola medidas nebe  adekuadu.

Dala ida tan, LABEH hakarak hateten katak “Laos liu husi chapa matrikula kareta mak halo ema identifika instituisaun nee, maibe liu husi servisu nebe mak sira halo nee mak bele identifika sira ka liu husi servisu mak povu hatene la’os hatudu liu husi chapa matrikula kareta”.

Ikus liu, LABEH mos husu ba PN ho DNTT atu labele fo matrikula sira nee arbiru tanba seidauk iha lei. Wainhira iha ona lei no bazeia ba lei nee mak bele defini instituisaun nebe mak bele uza matrikula diferente. Hanesan ita hatene katak iha mundu nebe deit, Matrikula nebe diferente so bele fo ba instituisaun sira hanesan PNTL, F-FDTL, PR, PM ho membrus do Governu nivel Secretario Estadu no Ministrus, Diplomata sira, nee klaru. Maibe ba instituisaun sira seluk hotu- hotu tenki submete ba prosesu normal nebe Estadu deside. Maibe iha Timor nee la akontese.?