LABEH Fo Valor Bo’ot ba Ministra Solidariedade Nebe Cuidado Osan Povu Nian


Dili, 10 Abril 2008 - Lalenok Ba Ema Hotu (LABEH) nu’udar NGO Anti Korupsaun ne’ebe Hahi no Tane A’as Valor Transparencia, Akuntabilidade no Boa Governasaun liu husi Kombate Korupsaun. Hanesan Sociedade Civil (ONG) nebe Independenti no Imparsial.
LABEH hakarak fo valor boot tebes ba Ministra Solidariedade nebe cuidado ho osan povu nian. Tamba sistema nebe Ministra implementa dadaun kona ba osamentu rekoperativa ba IDP sira hatudu dalan Boa Governasaun, hatudu dalan Transparansia, hatudu dalan ba Akuntabilidade tamba sira autoriza sistema ida nebe diak teb-tebes ba IDP sira nebe hakarak hetan osamentu rekoperasaun ba foti osamentu ne iha banku. Ne’e hatudu ona katak iha ona arquivo iha Ministerio Solidariedade nian mos iha banku iha ona. Ne’e valor boot ida ba Ministerio ida nee katak sistema Akuntabilidade ba osamentu povu nian tenki lao duni nune’e. Tamba nee LABEH fo valor tebes ba sistema Boa Governasaun nebe Ministra implementa dadaun ona iha Ministerio nia laran.
LABEH mos hatutan katak IDP barak nebe la kontente ho valor orsamentu nebe sira simu ka problema siraseluk nebe mak sira infrenta, LABEH simpatiza ho sira hotu. Maibe LABEH nia knar hare kona ba Boa Governasaun iha implementasaun osamentu nebe iha tamba sistema nebe Ministra implementa fo duni sistema Akuntabilidade tamba wainhira atu justifika orsamentu nebe gasta ba se deit, ne’e bele fasil bele hetan iha Transparansia nebe sira hetan iha banku doque Ministru balun nebe ba fahe osan cash deit laiha Akuntabilidade ida ke diak. Ita mos husu ba Ministru balun nebe tenta atu fahe osan cash katak atu hatudu Boa Governasaun ho Akuntabilidade, diak liu uza meius ida hanesan ema sira nebe ba foti osan cash nee bele ba foti iha banku, Mikro Finansas ka iha banku nebe deit para nia Akuntabilidade bele klaru doque Akuntabilidade ladun efektivu. Tamba sira hein deit simu.
Risku boot wainhira Minisrtu ou Secretario Estadu ida lori orsamentu ho valor boot ba iha kareta hodi ba fatin  ida atu fahe osan ne’e. Dalaruma povu la hatene katak ne’e osan povu nian husi estadu. Maibe sira hanoin fali katak osan ne’e ema nebe fahe osan ba sira nee ninian. Valor ne’e la ba Governu maibe valor ne’e ba fali ema nebe fahe osan ne’e. Ida nee mos tentasaun boot ida ba Ministru sira, liu-liu sira nia seguransa. Sekarik ema a’at sira hein iha dalan wainhira rona ou hatene Ministru ou Secretario Estadu balu lori osan ho valor boot atu ba entrega no asalta sira iha dalan foti osan nee saida mak akontese. Ita bele hahu ona implementa buat ida nebe diak ba ita nia seguransa mos ba ema nebe simu osan nee nia seguransa. Ita tenkiser hanoin too iha neba. LABEH kontinua ejiji nafatin ba ministru balun nebe to’o ohin loron fahe osan cash, ne’e ladun diak ba ita nia sistema Boa Governasaun liu-liu tempu reformasaun ba administrativu ne ladun diak.
LABEH rekomenda katak sistema nebe bele fo valor liu- liu ba Akuntabilidade mak sistema ida hanesan ema nebe ba foti osan nee iha fatin ida, ne’e para ita hatene katak nia foti duni osan hanesan ne’e doque ema ida ka rua lori osan ho valor boot iha dalan ba fahe. LABEH ladun kontente ho sistema ida nee. Maibe iha parte seluk LABEH mos fo kongratula ba Minitru ESTATAL nebe ho ulun malirin simu hanoin nebe LABEH hato’o. LABEH hein katak neneik sira bele muda sistema fahe osan cash hodi implementa fali sistema fo osan ba komunidade ne’e ho sistema ida ke diak liu doque fahe osan cash nebe ladun fo valor diak ida ba ita nia demokrasia ho ita nia sistema Boa Governasaun.
LABEH promete nafatin katak sei monitor orsamentu sira nebe fahe cash ka orsamentu sira nebe parlamentu aprova tiha ona ba nesecidade povu nian. LABEH ho nia komitmentu sei kontnua monitor implementasaun orsamentu fundus sira nee.

Dili, 10 Abril 2008