Studante LABEH hasae Bendera Nasional ho Bendera LABEH iha Foho Ramelau

NGO   Lalenok  Ba  Ema Hotu (LABEH) nudar organizasaun  Non Govermental, Anti- Korupsaun ne’ebe tane  as  valor  transparensia kuntabilidade  no promove  boa  governasaun, liu husi nia departementu Edukasaun hasae kapasiade ka LABEH Vocacional Trening Centre liu hosi nia Studante iha area Jurnalismo ba hasae Bendera Nasional ho Bendera LABEH iha Foho Ramelau hodi selebra loron Independensia ba dala 13.

Studante sira iha area Jurnalismo nee persiza iha koinesemento naton kona ba ita nia rai, konaba buat ne’ebe akuntse no konaba kondisaun riil ne’ebe povu sira infrenta iha baze.  Tinan ida nee hanesan premeira vez LABEH nia studante hamutuk hosirania Formador, Staf LABEH, inklui mos Alumi LABEH ba iha foho Ramelau.

Lia hirak ne’e hato husi Fundador LABEH, Christopher Henry Samson iha nia servisu fatin LABEH (21/05/2015).

 Ho ida mak nia hatutan katak, objetivo premeiru mak hatudu ba povo TL tomak katak, LABEH moris hela, aktif hela, lao hela no fo formasaun hela hanesan bain-bain, segundu mak husu tulun ba Nain Feto Ramelau atu fo forsa nafatin ba Lalenok Ba Ema Hotu. Tanba LABEH, hasoru ona difikulidade barak tebes-bebes Durante niae zistensia liu husi prosesu hotu-hotu iha hanoin hotu-hotu buka dalan hotu-hotu atu taka tia LABEH labele koalia.

Relasiona ho buat sira ne,e hotu hodi hamosu inisiatif ida ba iha foho ne’ebe a’as iha ita nia rain, ba husu no fanu Matebian sira, Nain feto no Maromak atu fo forsa nafatin ba LABEH hodi lao tuir vizaun no misaun.Tanba ida ne’e studante Jornalismu hahu lori Bendera Timor –Leste hamutuk  ho Bendera LABEH ba to iha foho Ramelau, hodi hatudu katak LABEH lao ho prinsipio Luta nain sira.

Alendene’e mos hanesan parte ida liu-liu selebra loron independesia ba 13,katak lao hamutuk ho  Matebian sira, lao hamutuk ho Herois sira, lao hamutuk ho veterasun sira , lao hamutuk ho Nain Feto ho Maromak , hodi bele fo forsa nafatin hodi bele fo formasaun nafatin ba LABEH, ba Timor oan no jerasaun sira nebe sei hanesan ezemplu ba nasaun no povo.

Ho ida LABEH hanoin katak programa ida ne’e sei kontunua ba studante sira seluk ba tinan-tinan tanba programa ida ne’e hetan reasaun posetivu makas husi povu ou komunidade liu-liu husi kna’al Radio, Facebook no Internet, ema barak apresia ba LABEH nia inisiatif, hodi sae ba foho Ramelau.

Nee hatudu katak, LABEH iha tinan oin mai sei organiza aan diak liu tan hodi bele buka fatin sira seluk nebe mos indetifika ihai storia ruma ba povo Timor- Leste, LABEH sei hamutuk ho studante sira, formador no Staf hotu atu lao hodi fo ondra ba rai doben ida nee, Veteranus sira, matebian sira, fiar metin katak,ohin situsaun ita nia nasaun mak ida nee maibe ho formasaun muda mentalidade ita nia juventude sira iha future bele hetan nasaun ida nebe forte nasaun ida nebe diak nasaun ida nebe hotu-hotu mehi hodi bele sai nasaun exemplu iha mundu.

Iha parte seluk Formador Ano Freitas hatutan katak, objetivu husi viazen ida nee hodi lori studante sira ba iha Foho Ramelau hanesan parte ida hodi komemora loron inpendensia Timor-Leste  nian ba 13, inklui mos studante sira bele aumenta sira nia experensia area Jurnalismo nian hodi ba to iha baze hodi bele hatene diak liu tan  komunidade sira iha area rural.

Tuir fali panitia organizador Joao Baptista Soares, ho Adelia da Costa, hatutan orsamentu nebe gastu ba halo viazen hodi sae ba foho Ramelau mai husi Studante no kompnha balun hanesan Kompanha Monte Viadu apoio $  50.00 (lima puluh dollar), Kompanha BTK $ 100.00 (Seratus Dollar) total orsamentu ba viazen hamutuk $ 380.00. (Tiga Ratus delapan puluh dollar), buat hotu bele lao ho diak.

Observasaun husi Jornalista Radio LABEH, Studante LABEH ho Formador inklui Staf sira molok atu hahu sira nia viazen atu sae ba foho Ramelau ba dala uluk, informa tia ba iha Komendante skuadra postu Administrativo Hatbelico.

Komandante nee simu studante sira ho diak  no fo fatin ba studante sira atu bele deskansa to fila, situasaun iha area refere lao ho hakmatek.

Liahirak nee hato husi Komendante skuadra postu Administrativo Hatbelico, Adolfo Mota, Sabado (16/05/2015)iha nia kanaar fatin.

Durante prosesuatu halo viazen ba foho Ramelau Membrus polisia skuadra postu Administrativo Hatbelico, sei fo aviso kiik ida kona ba regras nebe presiza hatene wanhira atu sae ba foho Sagradu Ramelau  no presiza matadalan ida wainhira atu sae ba iha foho Ramelau.