Intervista exkluzivu ho Fundador LABEH Konaba Prosesu Reativa Fali Radio LABEH FM 91.2 MHz

Jornalista  Radio LABEH:

1.    Prosesu  no hari Radio LABEH  iha sa tinan ?

 Fundador  ONG LABEH Dr Christopher Henry Samson:

 Responde :  Prosesu hari Radio LABEH, FM 91.2 MHz  iha 2010  tanba laiha dovidas  katak  radio nee nia papel  inportante  no esencial nudar mos instrumentu dezenvolvementu  ba prosesu hari dame no prosesu hari nasaun,  Maibe iha kontekstu ida ne’e Radio LABEH hari laos atu halo kompitisaun ho radio  sira seluk, Radio LABEH mai ho karakter nebe la hanesan. Tanba  LABEH ONG  ne,ebe didika nia a’an  iha luta hasoru  Korupsaun, sente katak presiza  iha radio ida ne’ebe focus ba asuntu   Korupsaun,  asuntu Boa Governasaun, no Akuntabilidade 2. 

Semak  halo lansamentu ba  Radio LABEH FM 91.2  MHz ?

Fundador  Responde: Radio LABEH  hetan lansamentu husi Presidente  da Republika Timor –Leste Dr Jose Ramos Horta, no hetan partisipasaun  husi membrus guvernu, membrus Parlamentu Naisonal  no  ONG sira, alende nee mos Presidente da Republika mak ema nebe  premeiro ne’ebe halo talk show  iha Radio nee, Hodi loke ba  publiku. Radio nee halo nia programa tuir buat nebe  deseide tiah ona, LABEH mos urgulhu tanba iha nasaun ida ne’e  iha  Presidente ida nebe ho vontade suporta maksimu programa LABEH nian lillu bele hakat  mai  iha Radio LABEH hodi oficialmente halo lansamentu ba Radio LABEH FM 91.2MHz.  Lalenok Ba Ema Hotu  Agredese tebes ba ema hotu nebe partisipa iha momentu neba.

  

3.      Hahu  programa saida deit iha momentu neba ?

Fundador  responde:  Iha momentu neba hahu ho programa lima tuir vizaun no misaun LABEH nian   preimeru mak - LABEH lian  tranparencia, kobre aktividade tranpariecia nebe LABEH halo iha trotoria tomak, kada semana mak lia tranparencia hamosu husi Monitoring ,workshop , no programa hotu nebe mak LABEH halo, – Exkluxivo interview : mak programa nebe ema ida sei mai iha studio hodi halo interview konaba asuntu ruma ou  topiku ruma tuir nia koinesementu, -  Talk to LABEH : programa nebe  inportante tebes nebe LABEH foti fo informasaun  ba publiku atu fo sira nia hanoin, observasaun no kritika ba asuntu ruma, saida mak ita senti konaba  prosesu Luta Hasoru korupsaun, prosesu  Ezekusaun  orsamentu Geral do estadu,  prosesu Hari nasaun, no prosesu hari governasaun, LABEH lakohi ema rai deit sira nia hanoin  maibe oinsa mak ema idak-idak bele fo sai husi Radio liu husi Telefoni,  no SMS. -  LABEH News konaba nuticia nebe iha relasaun ho  kazu korupsaun  nebe iha tribunal, KAK, PDHJ, Policia, kazu nebe relasaun  ho servisu LABEH, inklui mos nuticia workshop ruma, - LABEH Drama no puizia,ofrese ba fan’s, radio nian atu hato sira nia expresaun no talentu ruma  iha programa nee. Alende mos iha programa seluk nebe hamaluk ovintis sira loron-kalan mak hanesan, - Bondia Dili,  Lalenok, Botarde Dili, Bonoite Dili, avizu, Musik programa sabadu nian Hit’s memory.

4.      Programa hotu durante neba lao diak ?

Fundador responde :  Hahu kedas iha lansamentu  husi  presidente da Republika halo lansamentu ba Radio LABEH  programa hotu lao diak no susesu no agora dadaun Radio LABEH tama ba iha tinan neen ona.

 

5.      Durante nee Radio LABEH hasoru dezafiu ruma?

Fundador responde : Hanesan “ Ita hotu hatene katak, dezafiu nebe mak mosu hanesan Elistriksidade nebe mate lakan , Rekursus Humanus, no Fundus nebe atu responde ba programa nebe iha, inklui mos komputador, ho kestaun hirak nee dala ruma ovintis sira senti radio LABEH la ON AIR ona, no agora halo hela manutensaun , fiar katak  Radio LABEH ba oin  ingeralmente  sei lao hanesan bain-bain.

 

6.      Manager  ba  radio LABEH premeiru mak se?

 

 Fundador Responde : Iha  momentu  neba radio LABEH  FM 91.2 MHz,  la mosu derpente maibe  hamosu husi  departemetu ida ho naran Advocasia no Monitoring,  mak harii  Radio LABEH hodi halo advocasia ba aktividades  LABEH nian nebe halao, Sra, Esteviana de Fatima mak hanesan manager ba Radio LABEH ba

dala uluk, no Xefi departementu Advocasia maka Sra, Zelia Fernandes, iha departementu nee iha mos Jornalista lubuk ida hodi halao servisu iha momentu neba to sira rasik mak kontunua fali sira nia vida iha fatin seluk, no agora  LABEH hili  fila fali nia Manager Radio  mak Ansa Borromeu hodi kontunua programa nebe mak iha tiah ona no tenki mantein nafatin  hodi halao vizaun no misaun Lalenok Ba Ema Hotu nian.

 

7.      Agora Radio LABEH FM MHz, reativa fali ona programa saida deit mak sei inplementa ?

Fundador  Responde : Radio LABEH lao dadaun ona ema hotu bele rona no programa nebe  lao nafatin deit  hanesan uluk, sei aumenta  deit programa  nebe konaba devertementu  nian   no la ses husi programa  inti nebe temi ona iha leten.  No sei lao diak liu tan  ba futuru.

 

8.      Oinsa Ho recursus humanus liu-liu ba Radio LABEH?

Fundador  Responde : Nudar instituisaun laos akuntese deit iha LABEH maibe iha  organizasaun barak mos akuntese,  problema recursus humanus problema geral tanba financamentu ou fundus   mak inporante atu responde ba programa ruma wainhira fundus la adekuadu atu lao tuir ita nia mehi  otomatikalmente fo inpaktu, maibe iha planu katak ba oin sei la akuntese tan konaba recursus humanus, nudar oraganik nebe sempre iha mundasa.

9.      Durante nee Radio LABEH  hetan  suporta ruma husi  Doadores ?

 

Fundador  Responde: LABEH durante nee sedauk hetan suporta husi Governu ou fatin ruma maibe Lalenok Ba Ema Hotu, liu-liu radio LABEH moris hela ho nia  karakter  no  nia inisiatif rasik, to’o  agora, tanba nee radio loke ba publiku  hotu katak radio inportante ba  prosesu hari dame, prosesu domokrasia. Iha fatin hotu-hotu maibe wanhira laiha fundus sei fo inpaktu nafatin.

 

10  . Oinsa  planu ba oin ?

Fundador  Responde :  To agora  Radio LABEH FM 91.2  MHz, nia frekunse  kobre   capital Dili  inklui mos fatin balun ne’ebe besik Dili hanesan , Aileu , Liquisa, Ermera, Manatuto, no sei iha planu atu aumneta nia frekunse se wainhira  hetan doadores ruma  atu fo apoio ba  radio LABEH  bele to iha munisipio hotu .