LABEH Hamoris Hikas Departementu Monitorizasaun Orsamentu (Department of Budget Monitoring)

LALENOK BA EMA HOTU (LABEH) hanesan ONG Anti Korupsaun nebe hahi no tane a’as valor Transparansia, Akuntabilidade no Boa Governasaun liu husi Kombate Korupsaun ho nia misaun atu kaer governu hodi halao nia promesas kona ba Transparansia no Akuntabilidade, no fo korajen ba governu atu elimina disparidade ekonomia no kombate korupsaun no ki’ak. Hanesan Sociedade Civil (ONG) nebe independente no imparcial, LALENOK BA EMA HOTU (LABEH) hahi nia visaun no misaun liu husi Departemento ha’at mak hanesan Departemento Transparansia no Akuntabilidade, Departemento Advokasia no Monitoring, Departemento Monitoring orsamento no Departemento Edukasaun e Hasa’e Kapasidade. 

LABEH tinan ida ne’e ba oin sei reativa fila fali nia department Monitoring Orsamento liu hosi programa system monitorizasaun iha baze ka Community Based Monitoring System (CBMS) ne’ebe  focus liu ba  monitorizasaun  ba orsamentu geral do Estadu iha baze. Community Based Monitoring System ka Sistema Monitorizasaun iha baze nudar Programa ida nebe mak atu halo monitorizasaun iha baze kona ba orsamento husi governu nebe implementa iha baze. Distrito sira nebe mak hetan tiha ona monitorizasaun husi LALENOK BA EMA HOTU (LABEH) mak hanesan Distrito Aileu, Dili, Liquica, Maliana, Manatuto, Lospalos no Baucau. Agora sei reactiva fila fali programa CBMS nudar programa kontinuasaun ba distrito sira seluk iha tinan ida ne’e ba oin. Lia hirak nee hato husi Fundador  LABEH, Dr. Christopher  Henry  Samson  iha nia servisu fatin  LABEH (04/05/2015).

 Iha tinan ida nee departementu budget monitoring sei kontunua halo monitorizasaun ba ezekusaun orsamentu geral do estado, “ tanba  ita haree tinan ida nee Parlamentu  Nasional  aprova  osan  nebe  boot  1.5 biloins rasin hodi bele responde  ba  nesisidade  povo  no estado ninian ”.

Maibe  Lalenok  Ba  Ema  Hotu   kontunua  dovidas  ouituan  tanba  iha  kintu  governu konstitusional  iha  membrus  governu  55  iha  momentu  neba ho nia orsamentu 1.5 biloins, rasin. Tama  fali ba  iha  sestu  Governu  konstitusional,  redus   membrus  governu  balun nebe agora dadaun iha  deit 37, tanba  tun  ona  husi sira nia kargu ,   signifika  sira nia gastus mos tenke reduse tamba servisu  balun mos taka  no Asesor   balun mos la iha ona   maibe  orsamentu la hatun  no tinan ida nee mos sei nafatin 1.5 bilions rasin, ida ne’e preokupasaun ba Ema hotu.

Ida  ne’e mak  sai perukupasaun bo’ot ba  departementu  Budget Monitoring LABEH, tanba  defrensia mak  membrus governu balun la iha ona e osamentu balun ba staff politiku apartment balun mos laiha ona, tuir lolos orsamentu Estado tinan ida ne’e labele bo’ot liu hanesan tinan kotuk nian,tanba iha tinan kotuk  ezekusaun orsamentu  hahu husi Janeiru  maibe  aprovasaun ba osamentu tinan ida ne’e iha  April  singnifika katak  governu ida ne’e  iha deit fulan  8  atu ezekuta orsmanetu  ida nee.

 “Se ita haree konaba prosesu  Tenderizasaun  projetu  fisik  nee  lori  tempu ba prosesu  aprovizonamnetu  nian  antes  ema  atu  menan  projetu iha Esatado  ho birokkrasi  nebe  makas iha prosessu aprovizonamentu  ne’ebe ema  hotu  hatene”. Ida  ne’e  sai  hanesan  difikulidade   ida  ba  governu  atu  halo  ezekusaun   orsamentu  ho  diak iha fulan 8 nia laran.

Maibe  LABEH  liu husi  departementu budget monitoring sei kontunua   nafatin dudu   governu atu  ezekuta  orasamentu  ne’e  ho diak  hodi  fo benefisio ba povu no fo resposta  ba  povu  nia halerik  konaba  Be’e mos, Saude, Estrada , Edukasaun  no seluk  tan  ida  ne’e  inportante, no ita  espera  katak  orsamento  bo’ot  hanesan  nee   governu  ho  implementadores sira  bele ezekuta  orsamentu ne’e ho diak hodi fo resposta ba povu nia nesisidade.      

Alende nee mos nia hatutan katak, durante  LABEH  halo  monitorizasaun ba  projetus Estadu iha baze, orsamentu geral do  estadu  ne’e  hare katak barak  fo duni benefisio ba povo, tanba uluk  “ ita haree   iha Distritu  sira  nebe agora  muda a’an  ba munisispio  iha fatin uluk eletrisidade  laiha agora dadaun sira  hetan Eletrisidade , iha balun  klinika  laiha agora  iha ona,  hanesan  mos  Eskola barak  uluk  studante sira tuir deit   iha rai hodi tuir  izame  maibe  agora  sira  hetan  ona  kadeira    inklui mos  Estrada  balun  aat  tebes-tebes  maibe  governu   hadia hela .

Ho nune mak LABEH haree katak aprova  orsamentu geral do estadu tinan-tinan  responde  duni  povu nia  halerik  liu-liu ba area balun ona,  no sedauk  kobre  hotu-hotu ,  maibe povu  sira halo sira  nia  atividades hanesan bain-bain.

Maske  nune  governu  mos krea  ona  merkadu  barak  iha distritu  no iha fatin barak  atu  povu  sira  bele  fa’an  sira nia  produto  local, maibe tinan-tinan sempre iha mundasa  oituan  ba  benefisio   sira  nebe  presiza povu sira  hetan ,  tanba  nee ita laos matan delek   ita hare buat posetivo  balun  nebe  governu halo ona,  iha ema ruma kontra buat hotu-hotu  dehan  governu  la  halo buat  ida  tanba sira matan delek  no la lao ba iha distritu  hodi hare , maibe LABEH sempre halo monitorizasaun    hodi  haree  deretamente  benefisio nebe povu sira hetan durante  ne’e, mai husi orasamentu geral  do estado em-geral   iha duni mudansa  ekonomi   oituan ona iha povu  nia le’et.

NGO  Lalenok Ba Ema Hotu   espera  katak  ho orsamentu geral do estadu ne’e  atu hatutan nafatin  hodi responde ba povu nia halerik  durante nee, “ tanba ita haree governu  krea ona programa iha suku  hanesan  PNDS  nee diak  atu nune bele responde ba povu sira liu-liu  suku  no aldeia”.

Progarama  PNDS nee diak atu nune bele  hadia povu nia halerik, maibe sei implementa husi povu no sira sei prioridade liu ba buat nebe inportante ,hanesan Estrada, Sanimentu , fatin inkontro, tuir  sira nia prioridade.   Husi suku 442  nee, suku balun programa PNDS komesa tama  ona  no tuir LABEH nia monitorizasaun katak fo duni benefisio ba povu maske iha suku balun sedauk  maibe programa nee sei kontunua lao to suku sira hotu.  

            Programa  ida nee  inportante  LABEH husu ba governu  hodi hare prorama nee ho diak tanba  nee bele fo reposta ba povu  nia  halerik, no nia managementu  halao  didiak  aumenta  transparensi no akuntabilidade iha prosesu ida  nee, sewainhira  programa ruma lao ladun los mak ita tenki husu ba implementador sira iha baze ho diak hodi bele haburas  transparensi no boa Governasaun iha Suku ida nia laran.