LABEH VOCATIONAL SCHOOL OF LANGUAGES AND HUMANITIES, (LABEH –VS) , Produz Estudantes 2000

stdDepartementu Edukasaun no Hasa’e Kapasidade, nu’udar Departamentu ida ne’ebé fo ona formasaun ba Timor oan sira ne’ebé hakarak hasa’e sira nia kapasidade liu husi Area Vokasionál Skill. Iha Departementu ne’e  LABEH oferese programa mak   hanesan  kursu  lingua Inglês, Jornalista no  Administrasaun.


Objetivu Departementu  ne’e nian mak atu fo oportunidade ba Timor oan sira hodi patisipa efetivu iha dezenvolvimentu Nasaun. Departamentu ida integradu teb-tebes ho departementu sira seluk. Husi tinan 2004,  Departementu ida ne’e  fo ona rejistu iha kursu lian  inglês nian  ba estudante hamutuk 2000  resin  ne’ebé  mai  husi Intituisaun ne’ebé la hanesan  no estudantes ne’ebé LABEH produz husi tinan 2004  to’o tinan  2011 hamutuk  2000 resin

Entretantu Total Estudantes ne’ebé hetan ona Sertifikadu  husi LABEH hamutuk  472, kompostu husi estudantes kursu  Administrasaun  hamutuk ema nain 69, estudantes kursu Jornalista hamutuk  37,estudantes kursu lian ingles 366.

Hare ba Timor Leste  hanesan nasaun foun ida ne’ebé foin ukun an presiza dezenvolvimentu ne’ebé mak  efetivu liu-liu iha area Edukasaun, tamba edukasaun mak hanesan chavé  inportante ida atu dezenvolve di’ak liutan ita nia Nasaun ida ne’e. tanba ne’e LABEH buka meius oin-oin atu aumenta liutan Timor oan sira nia kapasidade, koñesimentu  liu husi treinamentu iha vokasional atu sidadania hot-hotu  partisipa efetivu iha rekonstrusaun no dezenvolvimentu Nasaun.



Hanesan Nasaun foun ida ne’ebé foin ukun an infrenta problema  barak liu-liu iha area Rekursus Humanus. Atu prevene problema hirak ne’e mak Timor oan sira tenki iha konsiênsia, vontade atu bele ativa iha Edukasaun Formal ho Edukasaun Non Formal hodi bele redus problema ne’ebé mak Timor Leste hasoru.

Programa ne’ebé LABEH oferese ba timor oan sira ne’ebé iha interese atu aprende mak hanes

1.    Kursus Lian Inglês
Programa kursus lian inglês iha durasaun ne’ebé la hanesan ho kualidade ne’ebé la hanesan: balun kursu fulan tolu ou (3 Month) ho kualidade sertifikadu  no D1 ho durasaun tinan ida ninia kualidade (Certificate Diploma One D1). Iha semana ida hasoru malu dala tolu, dala rua iha aula, iha sistema aprendizajen no aprezentasaun individual no grupu, dala ida ba estuda grupu.
LABEH VS mos prepara programa hanesan  mental ezame  ba estudante 3 month inklui mos ba Diploma I (D1) sira hodi partisipa iha mental ezame  liu husi skill hat mak hanesan: Listening, Reading, Writing & Speaking inklui  mos programa ekstra kurikuler ba estudante kursu inglês sira atu aumenta sira nia kapasidade listening. Iha  mos programa espesial ba estudante kursu inglês sira mak hanesan: Talent Night ka  kalan talenta ne’ebé hanaran festa intelektual, Reading Day Loron Le’e Livru,  Speaking Tour koalia ingles   no   ezame final, ikus liu mak Graduasaun.

2.    Kursu Administrasaun

Kursu Administrasaun ho durasaun fulan ne’en (6) fulan tolu aprendizajen iha LABEH, no  fulan tolu ba Estaziu. Ba dala uluk  estudantes Administrasaun hahu ho introdusaun ba material hodi simu material kona-ba  oinsa  karta tama no karta sai e oinsa atu prepara Menutu de Enkontru, oinsa halo arquivu, oinsa prepara Relatóriu, Oinsa atu Organiza Fatin Servisu, halo peskiza kona-ba travel  no   pratika  komputador iha Dili Institute of Technology (DIT) semana ida dala ida, material kona-ba tavel & pratika komputador mak hanesan material ikus, ba sistema aprendizajen iha aula  atu lori sira ba programa espesial mak Estaziu. Liu husi kursu ne’e mos konsege fo oportunidade ba foin sa sira hodi hetan kampu de trabalho.  


3.    Kursu Journalista

Kursus Journalista ho durasaun fulan ne’en (6) fulan tolu simu materia iha LABEH, fulan tolu ba Estaziu, primeiru introdusaun ba material mak  Baziku TV Production, Téniku baziku operasaun ba TV, Téniku basiku   operasaun ba camera foto, Media inprime & Téniku  basico radio, pratika intervista halo editing ba foto mak materia ikus atu lori sira ba programa Espesial mak estaziu no LABEH konsege produz juventude lubuk ida hodi  hetan mos kampu de trabalho iha area media nian.