Tribunal Distrital Dili sei kontinua Halo Julgamentu ba kazu Christopher Henry Samson

tribunalLABEH News,Tribunal Distrital Dili sei kontinua halo  julgamentu ba Kazu Christopher Henry Samson ne’ebé Ministeriu Publiku akuza nia halo krime hitu (7)hafoin iha n loron 4 fulan Maiu  2011 Diretur Ezekutivu LABEH   marka prezensa iha Tribunal, maibé MP haree katak ninia akuzasaun fraku no tribunal deside Ministeriu Publiku rasik hasai tiha akuzasaun 5 husi akuzasaun hitu (7) ne’ebé MP akuza Direitur LABEH ne’e, ida ne’e deit, Tribunal bele haree mo-mos katak kazu ida ne’e laiha valor no evidensia maibé MP akuza deit tanba odiu no vingansa.

Tuir karta ne’ebé  Diretur  LABEH ne’e simu hosi Tribunal, tuir lolos julgamentu hasoru Diretur  LABEH ne’e, tribunal marka ona orariu iha loron 4, 18, 22 no 25 fulan Maiu 2011 maibé tanba MP ho nia testemuña   sira ne’ebé tau iha karta akuzasaun la marka prezensa iha Tribunal tanba ne’e mak tribunal desidi hodi adia julgamentu   ba iha  loron 25 Maiu tinan 2011.   Hein katak iha loron ne’e MP nia testemuña  sira prontu  ona iha tribunal inklui Ana Pessoa nia inan rasik ne’ebé sei marka prezensa iha tribunal atu nune’e povu tomak bele rona deklarasaun hot-hotu ne’ebé testemuña  sira sei informa ba tribunal kona-ba akuzasaun MP nian hasoru Christopher Henry Samson.   

Nu’udar Diretur LABEH ne’ebé hakilar maka’as kona-ba asuntu korupsaun, promove boa governasaun, transperensi,  akuntabilidade no injustisa ne’ebé mosu iha Instituisaun Estadu, konsidera akuzasaun MP nian ne’e baratu, laiha valor no   laiha  fundamentu, manipuladu no  halo  komplikadu  tebes ho intensaun politika atu deskridita nia (Diretur LABEH- red) nia dignidade pesoal nu’udar Timor oan ne’ebé luta maka’as hasoru korupsaun.

Diretur  Ezekutivu Dr.Chiristopher  Henry Samson haktuir, LABEH fo kritika maka’as ho hahalok korupsaun no indikasaun korupsaun ne’ebé deskonfia Ana Pessoa komete iha Governu Anterior wainhira kaer kargu hanesan Ministra ESTATAL. Kazu ida ne’e Ana pessoa rasik rekonñese hodi informa ba Parlamentu Nasional katak kazu ne’e iha ona Tribunal Rekursu maibé to’o ohin loron laiha investigasaun hasoru Prokurador Jeral da Republika kona-ba aktu ne’ebé  deskonfia nia komete no laiha julgamentu ida hasoru nia iha tribunal Rekursu.
“LABEH nu’udar NGO anti korupsaun kontinua nafatin hametin no metin ho LABEH nia deklarasaun fulan hirak liu ba katak Parlamentu Nasional tenke hasai imunidade Ana Pessoa, nune’e nia bele tuir julgamentu iha Tribunal Rekursu kona-ba akuzasaun ne’ebé deskunfia nia halo durante kaer pasta nu’udar Ministra Estatal kona-ba Jerador ne’ebé sosa ho folin karun teb-tebes no diskunfia iha indikasaun korupaun,”dehan nia iha (Tersa/05/2011/) iha  nia kna’ar fatin.

 Nia hatete, LABEH konsidera  intensaun Prokuradora Jeral  da Repulika Ana Pessoa, akuza Diretur  Ezekutivu LABEH ne’e mak atu taka NGO Lalenok Ba Ema Hotu (LABEH) nune’e organizasaun ne’e labele hamrik metin hodi luta kona-ba  korupsaun, maibé Diretur LABEH la tauk no prontu   atu kolabora ho justisa no   tribunal hodi hato’o lia los ba tribunal kona-ba saida mak akontese iha prosesu ne’e iha tinan 10 nia laran no sala saida mak Ana Pessoa halo tanba nia iha poder nu’udar  Ministra ESTATAL iha governasaun FRETILIN.

“Wainhira  sai Prokuradora  Jeral da  Republika ne’ebé iha poder mos  Diretur LABEH  sei la tauk hatene katak kazu ida ne’e hanesan kazu “nehek ida hasoru elefante bo’ot ida” maibé direutur LABEH  la  tauk tanba tribunal mak bele  halo justisa ba kazu nee,” nia haklaken.