PDHJ Sadik CAC tenki Brani kombate korupsaun

pdhj.imgLABEH News, Provedor dos Direitos Humanos e Justiça (PDHJ), Sebastião Dias Ximenes husu ba Comissão Anti Corrupção  (CAC)  atu  brani no  korajen  kombate korupsaun iha rai laran liu-liu tenki iha kuiñesimentu klean kona-ba Lei   para bele halo investigasaun klean ba kazu korupsaun.

 

Nia hatete, durante  ne’e  instituisaun CAC  halo rekrutamentu ba nia funsionariu sira iha  diresaun hot-hotu no CAC mos hala’o ona nia funsaun hodi simu keisa maibe   nia rasik seidauk hatene kazu sira ne’ebé CAC simu ne’e halo ona investigasaun  ka  seidauk
“Ita hatene katak CAC mos halo rekrutamentu ba ema sira ne’ebé atu halo investigasaun ba kazu korupsaun no hau husu atu hare didiak ema sira ne’e tenki iha kuiñesimentu klean iha area investigasaun nian no tenki iha mos kuiñesimentu konaba lei liu-liu tenki iha korajen atu bele prosesa kazu korupsaun ba oin,” dehan nia ba jornalista LABEH foin lalais  iha nia kna’ar fatin.
Sebastião mos haktuir katak,Molok CAC hamrik PDHJ mos rekomenda tiha ona kazu korupsaun hamutuk 28 ba iha Ministeriu Publiku   no  ida mak konsege to’o ona iha tribunal hodi hein prosesu julgamentu. Kazu  korupsaun 28 ne’e  %80  mai husi ofisiais estadu no %20  kompania privadu sira. Kazu sira refere husi tinan 2006-2009.
PDHJ mos rekomenda tiha ona kazu  rua ba iha CAC atu halo investigasaun tanba kazu sira ne’e kazu korupsaun ne’ebé ami simu iha tinan 2010-2010.
Entretantu  iha tinan 2011  PDHJ simu ona kazu mal administrasaun, violasaun Direitus Humanus hamutuk 60 no oras ne’e tama ona iha fase avaliasaun preliminar atu bele tama ba iha investigasaun.