Tinan 2011 LABEH Kontinua Fo Kapasitasaun Ba Juventude

english

Tinan 2011 LABEH Kontinua Fo Kapasitasaun Ba Juventude 

Lalenok ba ema hotu (LABEH)  liu husi departementu edukasaun no hasa’e kapasidade, iha tinan 2011 oferese tan oportunidade ba foin sa’e Timor oan sira hodi   hasa’e  sira nia kapasidade iha area tolu mak hanesan  lian ingles, administrasaun no jornalizmu.Prosesu aprendijazen sei hahu iha loron Segunda  Feira ( 31 /01 2011)  ho total estudante sira hautuk ema nain  64 estudantes kursu lian ingels hamutuk ema nain 30  estudantes kursu administrasaun hamutuk ema nain 28  no estudantes kursu  jornalizmu hamutuk ema nain 6.

Diretiur LABEH  Christopher Henry Samson iha nia diskursu ho  estudante  sira hatete katak, edukasaun importante tebes  iha ema idak-idak nia moris  no joventude  sira presiza atu buka  hatene hodi dezenvolve sira nia an  iha kualker area tuir kapasidade nebe sira iha atu nune’e sira mos bele partisipa iha dezenvolvimentu  nasaun nian.

Nia  hatete,  estudantes kursu administrasaun no jornalizmu depois simu tiha  teoria durante fulan tolu iha LABEH, sei hetan oportunidade hodi hala’o estajiu durante fulan tolu hodi kompleta sira nia kursu  iha Instituisaun sira nebe asina  ona akordu ho LABEH.

Tanba ne’e nia husu ba  estudante sira atu aproveita didiak oportunidade ne’e hodi seriu simu  matenek nebe  treinador sira oferese atu nune’e loron ida  ema ida-idak bele aplika iha nia moris hodi kontribui fali ba nasaun.
 
Entretantu  prosesu aprendijazem  ba estudantes kursu lian ingles fahe ba parte rua mak hanesan ingles baze ho nia duransaun tempu fulan tolu, baze diploma  ho nia durasaun tempu fulan nen.Iha prosesu ne’e sei forma estudante sira liu husi program ingles mak hanesan  speaking tours, reading day,  talent night to’o  hetan graduasaun.          

Entretantu kordenadora  departementu edukasaun, Erfina Freitas haktuir, LABEH sei  oferese nafatin oportunidade ba  Timor oan  sira nebe hakarak atu  hasa’e sira nia kapasidade  iha area tolu refere.

Nia  mos informa katak oras ne’e dadaun  LABEH  liu husi departementu  edukasaun no hasa’e kapasidade  iha ona treinador  hamutuk   ema nain 7 nebe sei fahe sira nia matenek ba  maluk Timor oan sira iha area tolu refere.